Пяць найбуйнейшых мільярдэраў, якія падтрымалі Трампа, страцілі+ $200 млрд пасля яго інаўгурацыі

Індэкс S&P 500 у перыяд паміж перавыбарамі Трампа і яго інаўгурацыяй абнавіў некалькі максімальных значэнняў. Інвестары ўкладалі грошы ў акцыі і крыптавалюту, разлічваючы, што Трамп створыць яшчэ больш спрыяльныя ўмовы для бізнесу.

Tesla пасля выбараў падскочыла на 98%, хоць ужо амаль цалкам вярнулася да паказчыкаў, што былі да выбараў. Холдынг LVMH дадаў 7% у кошце і $12 млрд да маёмасці свайго французскага заснавальніка Бернара Арно. Meta вырасла на 9% да пачатку новага тэрміну Трампа і яшчэ на 20% — за першыя чатыры тыдні яго знаходжання на пасадзе.

Аднак чаканні, відавочна, не спраўдзіліся. На фоне масавых звальненняў і імпартных пошлін, якія Трамп то ўводзіць, то адмяняе для ўсіх запар, S&P 500 знізіўся на 6,4% з моманту інаўгурацыі. А кампаніі, чые прадстаўнікі прысутнічалі на ёй 17 студзеня, сумарна страцілі $1,39 трлн рыначнай капіталізацыі. Што да мільярдэраў, то вось на колькі зменшылася іх багацце:

• Ілан Маск — мінус $148 млрд (на піку 17 студзеня было ў $486 млрд). Асноўная частка яго маёмасці — гэта акцыі Tesla, якая рэзка зменшыла продажы ў Еўропе, Кітаі і іншых рэгіёнах;
• Джеф Безас — мінус $29 млрд. Катыроўкі Amazon з 17 студзеня ўпалі на 14%;
• Сяргей Брын — мінус $22 млрд;
• Марк Цукерберг і даўні сябра Трампа Бернар Арно — мінус па $5 млрд кожны.

Маск, Безас, Цукерберг і Арно цяпер уваходзяць у чацвёрку найбагацейшых людзей планеты паводле версіі Bloomberg. Брын займае дзявятае месца.

Кітай пачаў антыманапольнае расследаванне супраць Google у адказ на мыта Трампа, у Канадзе адмовіліся ад Starlink

Па тэме

Кітай пачаў антыманапольнае расследаванне супраць Google у адказ на мыта Трампа, у Канадзе адмовіліся ад Starlink