У Playtika новы раўнд скарачэнняў — 300-400 чалавек

У 2022-м геймдэў-студыя скараціла каля 900 супрацоўнікаў. Пры канцы таго года «пад нож» пайшло 610 чалавек — 15% яе штату на той момант.

Паводле апошніх звестак, глабальны штат Playtika налічвае 3800 чалавек, то-бок працу страціць прыкладна 10% з іх. Геаграфіі скарачэнняў выданне не ўдакладняе, але вядома, што яны не закрануць ізраільскіх офісаў кампаніі, у якіх працуе каля 1100 чалавек.

Рынкавая капіталізацыя Playtika цяпер складае прыкладна $2,9 млрд. Ад пачатку 2023 года яна ўпала амаль на 25%. Па выніках трэцяга квартала прыбытак кампаніі павалілася на 44, 4% год да года да $37, 9 млн.

Раней топ-менеджмент паведаміў беларускай камандзе, што офіс распрацоўкі ў Мінску будзе закрыты пры канцы лютага. Чакалася, што будзе скарочаная палова ўсёй мінскай каманды, то-бок каля 150 чалавек, а таксама супрацоўнікі ў Румыніі і Польшчы. Акрамя гэтага, у Playtika ёсць офісы ў ЗША, Германіі, Аўстрыі, Аўстраліі, Украіне і Фінляндыі.