Аддзел навін 5 лютага 2024, 09:58

Расійскі «Яндэкс» прададзены за $5+ млрд. Каціроўкі абваліліся на навінах

Нідэрландская Yandex N.V. уклала ўгоду па продажы расійскай дачкі за 475 млрд RUB ($5,24 млрд) кансорцыуму прыватных інвестараў і менеджараў кампаніі. Пра гэта паведамляецца на сайце «Яндэкса».

Пакінуць каментарый

Расійскі «Яндэкс» прададзены за $5+ млрд. Каціроўкі абваліліся на навінах

Нідэрландская Yandex N.V. уклала ўгоду па продажы расійскай дачкі за 475 млрд RUB ($5,24 млрд) кансорцыуму прыватных інвестараў і менеджараў кампаніі. Пра гэта паведамляецца на сайце «Яндэкса».

Да 31 ліпеня 2024 года Yandex N.V. зменіць назву і перастане выкарыстоўваць брэнды «Яндэкса». Новай галаўной кампаніяй стане міжнародная кампанія акцыянернае таварыства (МКАТ) «Яндэкс», зарэгістраванае ў Калінінградскай вобласці. Гэта прыватная і незалежная кампанія, акцыі якой будуць таргавацца на Маскоўскай біржы.

Генеральным дырэктарам «Яндэкса» застанецца Арцём Савіноўскі. «Яндэкс» захавае бізнэсы, сэрвісы і актывы Групы Yandex NV акрамя замежных стартапаў (Nebius, Toloka, Avride і TripleTen) і дата-цэнтра ў Фінляндыі, а таксама дасць Yandex N.V. абмежаваныя правы на выкарыстанне часткі сваіх тэхналогій да канца 2024 года.

Асноўным уладальнікам МКАТ «Яндэкс» будзе закрыты паевы інвестфонд «Кансорцыум.Першы» на чале з менеджарамі «Яндэкса». Акрамя іх у кансорцыум уваходзяць яшчэ чатыры пайшчыкі:

структура заснавальніка венчурнага фонду LETA Capital Аляксандра Чачава;
структура гендырэктара дэпазітарыяў «ІНФІНІТУМ» Паўла Праса;
структура групы «ЛУКОЙЛ»;
структура інвестара і прадпрымальніка Аляксандра Разанава.

Долі пайшчыкаў не ўдакладняюцца. Але з аніводнага з іх няма кантрольнай долі. «Кансорцыум.Першы» зможа намінаваць шэсць з дзесяці сяброў Рады дырэктараў МКАТ «Яндэкс», яшчэ двух — «Фонд менеджараў».

Цяпер угода мае быць узгодненая акцыянерамі Yandex N.V. і органамі рэгуляцыі.

Неўзабаве пасля рэлізу каціроўкі «Яндэкса» на Масбіржы абрынуліся на 9,26%.