Николай Чикишев 9 снежня 2022, 11:56

Раскамнагляд абавязаў HeadHunter перадаваць звесткі расійскім сілавікам

Раскамнагляд абавязаў сэрвіс пошуку працы HeadHunter перадаваць карыстальніцкія звесткі расійскім уладам.

Паводле даных «Раскамсвабоды», сэрвіс унеслі ў рэестр арганізатараў распаўсюджвання інфармацыі, абавязаных гэта рабіць паводле «закона Яравай». Унесеныя ў рэестр кампаніі мусяць захоўваць даныя пра перапіскі і тэлефанаванні карыстальнікаў паўгода, а таксама даваць іх на запыт ФСБ і іншых дзяржорганаў. У адваротным выпадку іх заблакуюць у Расіі. У рэестры значацца сэрвісы «Яндэкса», GetContact, Tinder, Badoo, «УКантакце», «Авіта», Blablacar і іншыя.