Распрацоўшчык аплікацый для расійскай аперацыйнай сістэмы «Аўрора» — кампанія ТАА «Авроид» — прыпыніла дзейнасць з сакавіка да канца чэрвеня, даведаўся CNews. Кампанія апынулася ў цяжкім фінансавым становішчы, у тым ліку з-за таго, што «Аўрорай» мала хто карыстаецца.
Распрацоўшчык аплікацый для расійскай аперацыйнай сістэмы «Аўрора» — кампанія ТАА «Авроид» — прыпыніла дзейнасць з сакавіка да канца чэрвеня, даведаўся CNews. Кампанія апынулася ў цяжкім фінансавым становішчы, у тым ліку з-за таго, што «Аўрорай» мала хто карыстаецца.
Супрацоўнікам «Авроида» кіраўніцтва тлумачыць прастой скарачэннем аб’ёмаў выручкі, парушэннем абавязацельстваў контрагентамі, а таксама зніжэннем інтэнсіўнасці і аб’ёмаў працы.
Паводле слоў аднаго з супрацоўнікаў кампаніі, персаналу з сакавіка не плацяць заробкі. «Працы няма, і супрацоўнікі паступова звальняюцца», — адзначыў ён. Таксама людзей перавялі на дыстанцыйную працу. Крыніцы CNews у кампаніі і на рынку кажуць, што кампанія чакала новага інвестара, але той перадумаў.
Інфармацыю пра прастой CNews пацвердзіў сузаснавальнік кампаніі Дзмітрый Камісараў. Ён звязвае запазычанасць перад работнікамі з перамовамі аб прыцягненні новага інвестара. Таксама «Авроид» рэструктурызуе бізнес і плануе распрацоўваць аплікацыі для іншых АС, каб менш залежаць ад «Аўроры».
Камісараў дадаў, што цяпер фінансавыя паказчыкі кампаніі напрамую залежаць ад колькасці прылад на «Аўроры». У пачатку года прагназаваліся пастаўкі 50 тысяч прылад пад кіраваннем сістэмы, але гэтага апынулася «недастаткова для стабільнага фінансавага патоку». Усяго з 2016 года на рынак адгружана больш за 500 тысяч прылад на «Аўроры».
На дадзены момант «Авроид» займаецца распрацоўкай двух прадуктаў: мэсанджара TAVRO, які дазваляе карыстацца Telegram на «Аўроры», і кантэйнера для запуску Android-аплікацый на прыладах з ёй.
Рэлацыраваліся? Цяпер вы можаце каментаваць без верыфікацыі акаўнта.