Зламыснікі, якія атрымалі персанальныя дадзеныя кліентаў Revolut праз падробленыя запыты ад імя дзяржоргана, пачалі публікаваць выкрадзеную інфармацыю і патрабуюць ад кампаніі 10 тысяч біткоінаў — больш за $780 мільёнаў.
Зламыснікі, якія атрымалі персанальныя дадзеныя кліентаў Revolut праз падробленыя запыты ад імя дзяржоргана, пачалі публікаваць выкрадзеную інфармацыю і патрабуюць ад кампаніі 10 тысяч біткоінаў — больш за $780 мільёнаў.
Інцыдэнт адбыўся пасля таго, як махляры адправілі Revolut запыты на раскрыццё інфармацыі з сапраўднага паштовага дамена дзяржаўнай установы. Кампанія лічыла іх легітымнымі і перадала дадзеныя трэцяму боку. Якую менавіта ўстанову выкарысталі зламыснікі і ў якой краіне адбыўся інцыдэнт, Revolut не раскрывае.
Сярод скампраметаваных дадзеных маглі апынуцца імёны, даты нараджэння, хатнія і электронныя адрасы, тэлефоны, прафесіі, копіі пашпартоў і пасведчанняў кіроўцы, сэлфі для верыфікацыі, IBAN, банкаўскія выпіскі, звесткі пра зняццё сродкаў і поўная гісторыя транзакцый, у тым аперацыі з біткоінам.
«Revolut нядаўна выявіў складаную схему вонкавага махлярства, пры якой неаўтарызаваны трэці бок выкарыстоўваў паштовы дамен сапраўднай дзяржаўнай установы для падачы махлярскіх запытаў на інфармацыю», — заявілі ў кампаніі.
Пасля выяўлення схемы Revolut заблакаваў выкарыстаны адрас і паведаміў установу, праваахоўныя органы і рэгулятараў. Кампанія сцвярджае, што яе ўнутраныя сістэмы і грошы кліентаў не пацярпелі, а ўцечка закранула «абмежаваную колькасць» карыстальнікаў. Дакладная колькасць пацярпелых не называецца.
Людзі, якія заявілі пра сваю прыналежнасць да атакі, пачалі публікаваць фрагменты дадзеных у Telegram. Паводле звестак The Register, сярод іх ёсць звесткі, якія меркавана належаць кіраўнікам кампаній, спартсменам і артыстам. Зламыснікі пагражаюць штодня выкладваць новыя дадзеныя, пакуль Revolut не заплаціць выкуп.
Рэлацыраваліся? Цяпер вы можаце каментаваць без верыфікацыі акаўнта.
Неудивительно, если основатель мажор из РФ, по требованию органов что хочешь сольют. Попробовал пользоваться револютом несколько лет назад, получил первый перевод от клиента, счёт тут же заблокировали и не отдавали пока не написал длинную объяснительную кто и зачем мне их прислал, с контрактом и выписками из прошлого банка. Вывел сразу же и закрыл аккаунт к чертям, перешёл на Wise и больше таких проблем ни разу не было
Карыстальнік адрэдагаваў каментарый 16 верасня 2026, 05:24