У апошнія некалькі дзён у Лос-Анджэлесе праходзяць пратэсты, што пачаліся пасля рэйдаў іміграцыйнай службы. На выходных пад гарачую руку трапілі беспілотныя аўто Waymo — дочкі Alphabet — і электрасамакаты Lime, піша TechCrunch.
У апошнія некалькі дзён у Лос-Анджэлесе праходзяць пратэсты, што пачаліся пасля рэйдаў іміграцыйнай службы. На выходных пад гарачую руку трапілі беспілотныя аўто Waymo — дочкі Alphabet — і электрасамакаты Lime, піша TechCrunch.
Multiple Waymo vehicles set ablaze here in LA pic.twitter.com/p2iVDUbEIL
— Brendan Gutenschwager (@BGOnTheScene) June 9, 2025
Пратэстоўцы атакавалі пяць аўтаномных машын. Яны прабівалі ім колы, разбівалі вокны, распісвалі антыўрадавымі лозунгамі, а затым падпальвалі. Напалоханыя машыны ў нейкі момант пачыналі роспачна сігналіць, але гэта іх не ўратавала. Таксама ў іх кідалі самакаты Lime.
Навошта пратэстоўцы грамілі робатаксі, дакладна невядома. Выданне адзначае, што раней паліцыя горада выкарыстоўвала відэазапісы з убудаваных камер у гэтых машынах для расследавання злачынстваў.
У Waymo паведамілі, што знаходзяцца на сувязі з мясцовай паліцыяй і будуць дамагацца кампенсацыі стратаў. На пытанне пра перадачу запісаў праваахоўнікам для ідэнтыфікацыі пратэстоўцаў кампанія адказу не дала.
Беспілотны таксі-сэрвіс Waymo запрацаваў у Лос-Анджэлесе ў лістападзе мінулага года, і з таго часу яго ўжо некалькі разоў атакоўвалі вандалы — як у гэтым, так і ў іншых гарадах ЗША.
Акрамя таго, за апошнія дні быў разрабаваны Apple Store у цэнтры Лос-Анджэлеса. Таксама пацярпелі гандлёвыя пункты мабільнага аператара T-Mobile.
Пратэсты пачаліся 6 чэрвеня пасля агрэсіўных рэйдаў, у выніку якіх было арыштавана больш за 100 імігрантаў. Яны не заўсёды праходзяць мірна і часам суправаджаюцца блакаваннем дарог. Дональд Трамп накіраваў у горад дзве тысячы салдат Нацыянальнай гвардыі Каліфорніі, хоць губернатар штата Гэвін Ньюсам запатрабаваў іх вываду. Пазней у горад накіравалі яшчэ столькі ж салдат Нацгввардыі і 700 марпехаў.
Рэлацыраваліся? Цяпер вы можаце каментаваць без верыфікацыі акаўнта.