Алеся Чапкевич world 16 кастрычніка 2025, 13:04

Роботаксі Google выходзіць у Еўропу

Сэрвіс аўтаномнага таксі Waymo ад Alphabet, мацярынскай кампаніі Google, выходзіць на еўрапейскі рынак — у бліжэйшыя месяцы тэставыя паездкі пачнуцца на дарогах Лондана.

Пакінуць каментарый

Сэрвіс аўтаномнага таксі Waymo ад Alphabet, мацярынскай кампаніі Google, выходзіць на еўрапейскі рынак — у бліжэйшыя месяцы тэставыя паездкі пачнуцца на дарогах Лондана.

Пакуль за рулём будзе знаходзіцца інспектар. Для карыстальнікаў доступ да сэрвісу павінны адкрыць у наступным годзе пасля атрымання неабходных дазволаў ад рэгулятараў.

Waymo актыўна пашыраецца ў ЗША і ўжо прысутнічае ў Лос-Анджэлесе, Фініксе, Сан-Францыска, Атланце і Осціне, таксама ёсць планы на Маямі і сталічны Вашынгтон. У пачатку года кампанія ўпершыню выйшла за межы ЗША і пачала выпрабаванні ў Токіа.

У Вялікабрытаніі аўтапарк Waymo будзе складацца з электракараў Jaguar iPACE, абсталяваных беспілотнай сістэмай Waymo Driver.

Паводле дадзеных Waymo, яе софт у 5 разоў радзей у параўнанні са скуранымі вадзіцелямі трапляе ў аварыі, у якіх траўміруюцца людзі, і ў 12 разоў радзей фігуруе ў траўматычных аварыях з удзелам пешаходаў. Яе аўта праехалі па дарогах агульнага карыстання ў поўнасцю беспілотным рэжыме 100 млн міль (160 млн км) і выканалі больш за 10 млн паездак, аплачаных пасажырамі.