Праз дзесяць гадоў пасля таго, як Ілан Маск пачаў з года ў год абяцаць свету фірмовы сэрвіс робатаксі, Tesla запусціла паездкі на самакіраваных Model Y, паведамляе TechCrunch. Пакуль скарыстацца імі могуць жыхары тэхаскага Осціна.
Праз дзесяць гадоў пасля таго, як Ілан Маск пачаў з года ў год абяцаць свету фірмовы сэрвіс робатаксі, Tesla запусціла паездкі на самакіраваных Model Y, паведамляе TechCrunch. Пакуль скарыстацца імі могуць жыхары тэхаскага Осціна.
Бізнесмен зрабіў анонс у сваёй сацсетцы X у нядзелю. Паездка каштуе фіксаваную — і не дзіўную для яго — суму: $4,20.
The @Tesla_AI robotaxi launch begins in Austin this afternoon with customers paying a $4.20 flat fee!
— Elon Musk (@elonmusk) June 22, 2025
Сэрвіс Маска адрознівае тое, што яго працу забяспечваюць толькі ўсталяваныя на машынах камеры і ШІ. Іншыя гульцы галіны, напрыклад Waymo, выкарыстоўваюць лідары і радары для арыентацыі і навігацыі. Робатаксі «дачкі» Alphabet працуюць у Фініксе, Лос-Анджэлесе, Сан-Францыска і Осціне.
На мінулым тыдні Tesla рассылала запрашэнні выбраным карыстальнікам. Ужо 22 чэрвеня яны маглі ўсталяваць аплікацыю і замовіць паездку.
Сэрвіс будзе працаваць штодзённа з 6 гадзін раніцы да 12 гадзін дня, але толькі ў добрае надвор’е. І на ўсялякі выпадак на пярэднім пасажырскім сядзенні будзе знаходзіцца супрацоўнік Tesla.
Пачаць кампанія вырашыла з малога — пакуль парк сэрвісу складзе каля 10 кросавераў 2025 года выпуску. Абслугоўваць яны будуць выразна абмежаваны раён у паўднёвай частцы горада.
Інфармацыі аб новым сэрвісе Маск і сайт Tesla даюць вельмі мала — значна актыўней падрабязнасцямі дзеляцца фанаты кампаніі. Як адзначае TechCrunch, яна нават спрабавала перашкодзіць медыа атрымаць звесткі аб сэрвісе ў мясцовых транспартных органаў.
Якую ролю будуць адыгрываць дзяжурныя і ў якой ступені кантраляваць працу сістэмы, незразумела. Відавочна, яны павінны будуць умяшацца, калі софт паспрабуе зрабіць нешта небяспечнае. Waymo і Cruise, які прыпыніў дзейнасць пасля шэрагу інцыдэнтаў, таксама тэставалі свае тэхналогіі пад наглядам інжынераў — за стырном і на пасажырскім месцы. Але не на этапе паўнавартаснай камерцыйнай дзейнасці.
Ужо ў нядзелю адзін з карыстальнікаў Tesla расказаў, што падчас яго паездкі спатрэбілася ўмяшанне аддаленых аператараў. Што здарылася, ён не ўдакладніў, але сказаў, што ў астатнім паездка прайшла гладка.
Рэлацыраваліся? Цяпер вы можаце каментаваць без верыфікацыі акаўнта.
эта технология таже нейронка и ничем качественно не отличается от чатботов вроде ChatGPT или DeepSeek с Claude и Gemini