Раскамнагляд можа атрымаць права прадаваць банкам даныя абанентаў

Дакумент унеслі ў Дзярждуму ў 2018 годзе і ад таго часу мноства разоў перапісвалі. Першапачаткова меркавалася стварыць Адзіную інфармацыйную сістэму праверкі звестак пра абанентаў (АІС ПЗА). Яна мелася стаць «шлюзам» для абмену інфармацыяй, з дапамогай якога банкі змогуць ідэнтыфікаваць абанентаў і прадухіляць махлярства.

У новай версіі дакумента аператарам АІС ПЗА стане падведамны Раскамнагляду ГРЧЦ. Арганізацыя будзе захоўваць і апрацоўваць даныя абанентаў, а таксама атрымліваць узнагароды ад банкаў за паданне звестак. Аператары сувязі будуць абавязаныя перадаваць у сістэму пашпартныя даныя кліентаў, звесткі пра карэктнасць нумара, SIM-карту і факты яе замены, падключэнне і адключэнне функцыі пераадрасацыі, ідэнтыфікатары прылады (IMEI) і яе замену.

Прадстаўнікі індустрыі асцерагаюцца, што Раскамнагляд не дасць рады ўскладзеным на яго функцыям. Акрамя таго, ведамства нядаўна дапусціла буйную ўцечку даных абанентаў. Камісія РСПП па сувязі і IT, у якую ўваходзяць прадстаўнікі найбуйнейшых расійскіх аператараў сувязі, звярнулася з просьбай дапрацаваць законапраект. Аператары прапануюць выключыць з дакумента забарону на ўкладанне прамых кантрактаў паміж аператарамі і банкамі і не выкарыстоўваць АІС ПЗА для захоўвання і апрацоўкі даных.

У Расіі рэзка ўпала папулярнасць iPhone — усе пераходзяць на Android

Па тэме

У Расіі рэзка ўпала папулярнасць iPhone — усе пераходзяць на Android

Nintendo спыніла платны рамонт кансолей Switch у Расіі

Па тэме

Nintendo спыніла платны рамонт кансолей Switch у Расіі

Расійскія вендары абсталявання пераносяць вытворчасць за мяжу

Па тэме

Расійскія вендары абсталявання пераносяць вытворчасць за мяжу