За апошнія 12 месяцаў каля 10% кампаній, якія распрацоўваюць і вырабляюць тэлекамунікацыйнае абсталяванне, вылічальную тэхніку, прамысловую ды іншую электроніку на кантрактных вытворчасцях у Расіі або мелі тут уласныя зборачныя лініі, перанеслі вытворчасць у іншыя краіны. Пра гэта «Камерсанту» расказаў выканаўчы дырэктар Асацыяцыі распрацоўшчыкаў і вытворцаў электронікі Іван Пакроўскі.
За апошнія 12 месяцаў каля 10% кампаній, якія распрацоўваюць і вырабляюць тэлекамунікацыйнае абсталяванне, вылічальную тэхніку, прамысловую ды іншую электроніку на кантрактных вытворчасцях у Расіі або мелі тут уласныя зборачныя лініі, перанеслі вытворчасць у іншыя краіны. Пра гэта «Камерсанту» расказаў выканаўчы дырэктар Асацыяцыі распрацоўшчыкаў і вытворцаў электронікі Іван Пакроўскі.
Раней на тэрыторыі Расіі выраблялася абсталяванне 3 тысяч арганізацый. У асноўным кампаніі пераносяць вытворчасць у Кітай, В’етнам, Індыю і Турцыю. Узмацненне міграцыі расійскіх распрацоўшчыкаў электроннага абсталявання на замежныя кантрактныя вытворчасці пацвярджаюць і іншыя гульцы рынку.
Эксперты называюць некалькі фактараў. Сярод іх — загружанасць расійскіх вытворчасцей, санкцыі на пастаўку замежных камплектуючых у краіну, а таксама працяглыя праверкі імпартаваных кампанентаў.
Акрамя таго, вырабляць у Расіі стала вельмі дорага: напрыклад, за перыяд дзеяння розных санкцый і абмежаванняў з боку Захаду кошт замежнага абсталявання для вытворчасці друкаваных плат у краіне вырас на 40%. Праблемы з даступнасцю капіталу пры росце вытворчых выдаткаў вымусілі некаторыя невялікія кампаніі далучыцца да буйных вендараў. «У Расіі цяпер асноўнай мэтай галіны з’яўляецца выжыванне, і кансалідацыя становіцца аптымальнай стратэгіяй», — лічыць намеснік кіраўніка Цэнтра кампетэнцый НТІ на базе Скалтэха па тэхналогіях бесправадной сувязі Аляксандр Сівалобаў.
Таксама суразмоўцы выдання кажуць пра бюракратычныя перашкоды. На іх думку, усё больш расійскіх кампаній будзе пераносіць вытворчасць за мяжу, бо «пастаўляць у РФ гатовую прадукцыю — нават з замежнай юрыдычнай асобы — прасцей, ніж замежныя кампаненты». Ці будзе прадукцыя, вырабленая на замежных пляцоўках паводле кантрактаў з расійскімі кампаніямі, трапляць у рэестр айчыннага абсталявання Мінпрамгандлю, пакуль незразумела.
У Мінпрамгандлю «Камерсанту» сказалі, што з увядзеннем санкцый на пастаўкі электронікі ў краіну расійскія вытворцы паглыбілі лакалізацыю сеткавага і тэлекам-абсталявання і павялічылі аб’ёмы паставак прадукцыі. Там таксама адзначылі, што ў 2023 годзе ў параўнанні з 2022-м значна павялічылася колькасць тэлекам-абсталявання, уключанага ў адпаведны рэестр.
Рэлацыраваліся? Цяпер вы можаце каментаваць без верыфікацыі акаўнта.
То, что производилось в рф, было для внутреннего потребления!
Не над ля-ля типа, ой мы тут подумали, и решили-с шо нам не выгодно.
Если вы закрываете производство, так честно скажите закрываю и плевать на выручку.