Расійскія хакеры атрымалі доступ да перапіскі ўладаў ЗША з Microsoft

CISA мяркуе, што хакеры, звязаныя з расійскімі ўладамі, выкарыстоўваюць звесткі для аўтэнтыфікацыі, якія перадаюцца праз электронную пошту. Такім чынам зламыснікі пранікаюць у сістэмы кліентаў Microsoft, у тым ліку атрымліваючы доступ да акаўнтаў урадавых устаноў.

Узлом быў выяўлены яшчэ ў студзені, агенцтва назвала гэты інцыдэнт «сур’ёзнай і непрымальнай рызыкай для ведамства». У дырэктыве CISA не пазначана, якія менавіта ведамствы пацярпелі ад дзеянняў хакераў. Амбасада РФ у Вашынгтоне раней адпрэчыла дачыненне краіны да кібератак.

Раней Рада па аглядзе кібербяспекі (CSRB) апублікавала вердыкт па іншай справе, звязанай з кітайскімі хакерамі. На думку рады, Microsoft магла прадухіліць узлом. Таксама CSRB лічыць, што кампанія не надае дастаткова ўвагі пытанням забеспячэння кібербяспекі.