Расія адкрые ў Беларусі цэнтр робататэхнікі

Цэнтры будуць арганізаваны ў рамках праекта «Расійская інжынерная школа». Акрамя Беларусі, робататэхніцы будуць навучаць у Абхазіі, Арменіі, В’етнаме, Егіпце, Замбіі, Кыргызстане, Манголіі, Таджыкістане, Танзаніі і Эфіопіі.

«Россотрудничество» займаецца прасоўваннем расійскай адукацыі, навукі і культуры, а таксама рускай мовы ў іншых краінах. Гэтая структура знаходзіцца пад санкцыямі ЕС і Украіны.

Тым часам у Беларусі пашыраецца прысутнасць расійскіх тэхналагічных кампаній. Адным з апошніх ІТ-хаб у Мінску адкрыў расійскі холдынг «Т-Технологии». Учора стала вядома, што расійская кампанія «Иртея» будзе тэставаць у Беларусі 5G-вышкі, бо ў сваёй краіне не можа. Таксама расійскія кампаніі палююць на беларускіх студэнтаў і джуноў.