Рынак офісаў у Мінску чэзне. Ратуюць ІТ-кампаніі з Расіі

Новыя офісы

За мінулы год у Мінску ўвялі ў эксплуатацыю ўсяго 26,3 тыс. кв. метраў арэнднапрыдатных офісных плошчаў, пра гэта dev.by паведамілі аналітыкі ў сферы камерцыйнай нерухомасці.

Гэта на траціну менш, чым у 2022 годзе. 

Агульны аб’ём рынку офіснай нерухомасці вырас усяго на 1% і перавышае мільён кв. метраў. 

Доля ІТ-кампаній на рынку офісаў 

У 2020 годзе ў Мінску ІТ-кампаніі займалі больш за 430 тысяч кв. метраў офісных плошчаў, на пачатку 2021 года — 408 тысяч кв. метраў.

Паводле ацэнак экспертаў, ІТ-кампаніі ў мінулым годзе скарачалі офісныя плошчы і/або канцэнтравалі супрацоўнікаў у адной лакацыі. Угод па арэндзе новых плошчаў было няшмат, сумарна кампаніі маглі зняць не больш за 3-5 тыс. кв. метраў офісаў.

Уплыў расійскіх ІТ-кампаній на рынак

Паводле словах аналітыкаў, расійскія ІТ-кампаніі станоўча ўплываюць на рынак офіснай нерухомасці. У тым ліку дзякуючы ім рынак пачаў аднаўляцца ў другой палове 2023 года.

Летась прадстаўніцтва ў Беларусі адкрыў расійскі холдынг VK. Офіс плошчай 400 кв. метраў кампанія арандавала ў скандальна вядомым бізнэс-цэнтры на вуліцы Смалячкова. У VK заявілі, што кампанія збіраецца павялічваць штат распрацоўшчыкаў.

Расійская група Tinkoff арандавала 10 000 кв. метраў на праспекце Незалежнасці, 32А. Паводле інфармацыі dev.by, афармленне ўгоды пачалося яшчэ ў другой палове 2023 года, працэс завяршыўся толькі ў красавіку бягучага года. 

Угода Tinkoff склала амаль 1% ёмістасці рынку і можа стаць найбуйнейшай на рынку арэнды офісных плошчаў у 2024 годзе, мяркуюць эксперты. 

Зрэшты, пакуль расійскія ІТ-кампаніі не з’яўляюцца найбуйнейшымі. арандатарамі на рынку офіснай нерухомасці, на іх прыпадае каля 0, 5% арэндных плошчаў.

Прагнозы на 2024 год

Хутчэй за ўсё, беларускія ІТ застануцца пры сваіх плошчах, чакаюць эксперты.

Магчыма, на рынак выйдзе яшчэ хто-небудзь з буйных расійскіх гульцоў, але пакуль такія патэнцыйныя ўгоды не анансаваліся.

А што са стаўкамі?

Ад лета 2023 года стаўкі пачалі плаўна павялічвацца і пры канцы года склалі 5-15 еўра за кв. метр на месяц.

У некаторых аб’ектах офіснай нерухомасці значна знізілася вакантнасць. Прапанова малафарматных плошчаў фактычна знікла. І дэвелаперы ў 2024 годзе працягнулі павышаць стаўкі. У першым квартале стаўкі для офісных плошчаў класа В1 склалі 7,5-16,0 еўра за кв.метр, класа В2 — 6,0-12,5 еўра за кв. метр. Найбліжэйшымі месяцамі стаўкі, верагодна, працягнуць расці.