Рынак развярнуўся: у Кітаі ўзляцелі ШІ-стартапы, бігтэхі наадварот падаюць
На кітайскім рынку пасля Месяцовага Новага года адбыўся прыкметны разварот: грошы пайшлі з класічных інтэрнэт-гігантаў у «чыстыя» ШІ-кампаніі. Акцыі стартапаў Zhipu і MiniMax у Ганконгу за дзень рэзка выраслі — на 43% і 15% адпаведна. З моманту студзеньскага лістынгу паперы абедзвюх кампаній ужо выраслі больш чым у 4 разы. Інвестары відавочна робяць стаўку на кампаніі, у якіх ШІ — не дадатак, а асноўны прадукт, тлумачыць Bloomberg.
На кітайскім рынку пасля Месяцовага Новага года адбыўся прыкметны разварот: грошы пайшлі з класічных інтэрнэт-гігантаў у «чыстыя» ШІ-кампаніі. Акцыі стартапаў Zhipu і MiniMax у Ганконгу за дзень рэзка выраслі — на 43% і 15% адпаведна. З моманту студзеньскага лістынгу паперы абедзвюх кампаній ужо выраслі больш чым у 4 разы. Інвестары відавочна робяць стаўку на кампаніі, у якіх ШІ — не дадатак, а асноўны прадукт, тлумачыць Bloomberg.
На гэтым фоне буйныя гульцы кшталту Alibaba і Tencent прасселі — на 4,9% і 2,1% адпаведна, — нягледзячы на моцныя святочныя паказчыкі. У Alibaba, напрыклад, ШІ-аплікацыя Qwen апрацавала 130 млн заказаў, а ў Tencent сэрвіс Yuanbao перавысіў 50 млн штодзённых карыстальнікаў. Але рынак зараз менш глядзіць на метрыкі выкарыстання і больш — на тое, дзе ШІ з’яўляецца ядром бізнесу. Як адзначаюць аналітыкі, ідзе класічная ратацыя капіталу: фіксуюць прыбытак у дыверсіфікаваных платформах і заходзяць у «чыстыя» ШІ-праекты.
Цікавасць падагравае і гонка мадэляў. Кітайскія кампаніі актыўна выкатвалі абнаўленні перад святамі — гэта традыцыйна пік, калі карыстальнікі масава спрабуюць новыя сэрвісы. Плюс усе чакаюць наступны буйны рэліз ад DeepSeek, які ўжо цізераць, і гэта яшчэ мацней трымае ўвагу на сектары.
Па MiniMax настроі максімальна «бычыя»: Morgan Stanley, Jefferies і UBS пачалі пакрыццё з рэкамендацыямі ўзроўню «купляць». У UBS ставяць таргет каля 1000 ганконгскіх даляраў ($128, крыху вышэй прыкладна 970 бягучых ганконгскіх даляраў), а Morgan Stanley чакае, што выручка кампаніі да 2027 года можа наблізіцца да $700 млн — гэта прыкладна дзесяціразовы рост за пару гадоў.
Пры гэтым да бігтэху пытанняў становіцца больш: рынак пачынае ўважліва глядзець, колькі яны ўліваюць у ШІ і які атрымліваюць прыбытак. Па ацэнцы Bloomberg Intelligence, толькі на святочныя акцыі і стымуляванне карыстальнікаў Alibaba і Meituan маглі выдаткаваць каля $870 млн, Tencent — яшчэ $145 млн. Плюс дадаўся ціск рэгулятараў: улады выклікалі буйныя платформы — уключаючы Alibaba, Tencent і Baidu — і запатрабавалі знізіць агрэсіўныя прома і «залішнюю» канкурэнцыю. На фоне запавольвання рэкламы, электроннага гандлю і гульняў інвестары ўсё часцей задаюцца пытаннем, калі іх ШІ-праекты пачнуць рэальна прыносіць грошы.
Рэлацыраваліся? Цяпер вы можаце каментаваць без верыфікацыі акаўнта.