«Уявіце, што ў вас да галавы прывязаная бомба». Сакрэты матывацыі ад Маска

Такую фразу супрацоўнікі не раз чулі ад свайго боса за апошнія некалькі гадоў. Часам Маск рабіў каментары, якія супрацоўнікі ўспрымалі як пагрозу закрыць праект, калі яны не будуць працаваць больш заўзята. Ён лаяў падначаленых у імэйлах і казаў, што распрацоўка прасоўваецца вельмі павольна і што гэта «выводзіць яго з сябе».

Супрацоўнікі адзначаюць, што праз пастаянную спешку ў іх зрываюцца эксперыменты і гіне шмат жывёл, на якіх цяпер тэстуюць тэхналогію. Паводле звестак, якія змог сабраць Reuters, ахвярамі вопытаў Neuralink агулам стала каля 1500 авечак, свіней і малпаў. У ЗША ўжо пачатае расследаванне на прадмет жорсткага абыходжання з жывёламі.