Аўстралійская кампанія правядзе звальненні, аб’яднае каманды і прапануе частцы супрацоўнікаў пераехаць у Сідней. Усяго змяненні закрануць 1271 чалавека, але колькі з іх страцяць працу, пакуль невядома.
Аўстралійская кампанія правядзе звальненні, аб’яднае каманды і прапануе частцы супрацоўнікаў пераехаць у Сідней. Усяго змяненні закрануць 1271 чалавека, але колькі з іх страцяць працу, пакуль невядома.
Пра рэструктурызацыю паведаміла сузаснавальніца і генеральны дырэктар Canva Мелані Перкінс у зваротце да супрацоўнікаў 4 лістапада. Яна назвала тое, што адбываецца, «бясспрэчна, самым цяжкім момантам за ўсю 13-гадовую гісторыю кампаніі».
Паводле Перкінс, Canva перажывае самы складаны год за час свайго існавання. Рост бізнесу ўпершыню за дзесяцігоддзе запаволіўся, а ранейшая арганізацыйная структура перастала адпавядаць патрэбам кампаніі.
Кіраўніцтва вырашыла аб’яднаць падраздзяленні Product, Growth і Platform у адзіную прадуктавую арганізацыю. Адначасова Canva скароціць колькасць кіраўніцкіх узроўняў і вузкіх спецыялізацый, каб невялікія каманды маглі самастойна адказваць за вынікі.
Яшчэ адна змена закране размяшчэнне супрацоўнікаў. Сідней стане галоўным цэнтрам для большай колькасці прадуктовых камандаў, а частцы працаўнікоў прапануюць пераехаць. Са студзеня большасць супрацоўнікаў на гібрыдным графіку будуць абавязаныя прыходзіць у офіс два-тры дні на тыдзень.
Кампанія пакуль не раскрыла, колькі менавіта чалавек звольніць. З 1271 закранутага супрацоўніка адныя страцяць працу, іншыя зменяць пасаду або месца працы.
Звольненым абяцаюць кампенсацыю ў памеры не менш за шэсць месячных заробкаў, а таксама медычную страхоўку яшчэ на год у краінах, дзе кампанія дае такую льготу. Супрацоўнікі змогуць пакінуць сабе працоўныя MacBook і атрымаюць дапамогу з пошукам новай працы.
Акрамя таго, Canva створыць фонд для былых супрацоўнікаў, якія захочуць адкрыць уласны бізнес або рэалізаваць грамадскі праект. Яны змогуць прэтэндаваць на гранты па $10 тысяч без перадачы кампаніі долі ў будучым прадпрыемстве.
Релоцировались? Теперь вы можете комментировать без верификации аккаунта.