Самы папулярны навык для ІТ-кар'еры — не ШІ і нават не Python

Паводле даследавання Course Report, якое прааналізавала больш за 12 мільёнаў вакансій на сайце пошуку працы Indeed, Excel згадваўся ў 531 000 аб’яў — значна больш, чым Python (67 000) і SQL (60 000). Нават машыннае навучанне (31 000 згадак) і ШІ як такі (25 000) саступілі электронным табліцам, упершыню выпушчаным яшчэ ў 1985 годзе.

Эксперты адзначаюць: менавіта Excel застаецца галоўным інструментам для працы з дадзенымі, якія ляжаць у аснове ШІ-бума. Звычка працы ў Excel настолькі ўкаранілася, што кампаніі не гатовыя цалкам перайсці на новыя інтэрфейсы, нават пры росце папулярнасці ШІ-праграм.

«Інтэрфейс Excel занадта глыбока ўкараніўся ў тым, як мысляць бізнес-карыстальнікі. Будучыня — у тым, як ШІ будзе дастаўляць дакладныя дадзеныя наўпрост ў звыклыя інструменты», — заявіў Раджошы Рош, сузаснавальнік PromptQL. «За ўсім бляскам чат-ботаў стаіць усё той жа стары Excel. Рэальныя рашэнні і грошы па-ранейшаму праходзяць праз яго», — лічыць Пукар Хамал, генеральны дырэктар SecurityPal.