Ад моманту куплі тады-яшчэ-Twitter у 2022 годзе Ілан Маск кажа, што ў сацсеткі ўсё дрэнна з даходамі. Wall Street Journal даведаўся, што банкі, якія дапамагалі бізнэсоўцу фінансаваць угоду і сумарна пазычылі яму на гэтую мэту $13 млрд, рыхтуюцца пазбавіцца ад часткі запазычанасці.
Ад моманту куплі тады-яшчэ-Twitter у 2022 годзе Ілан Маск кажа, што ў сацсеткі ўсё дрэнна з даходамі. Wall Street Journal даведаўся, што банкі, якія дапамагалі бізнэсоўцу фінансаваць угоду і сумарна пазычылі яму на гэтую мэту $13 млрд, рыхтуюцца пазбавіцца ад часткі запазычанасці.
Выданне піша, што ў імэйле, распаўсюджаным сярод супрацоўнікаў цяпер-ужо-Х у гэтым месяцы, Маск казаў, што хоць сацсетка ўплывае на ход грамадскіх абмеркаванняў у краіне і вынікі працэсаў, «рост яе аўдыторыі стагнуе, выручка не ўражвае, і яна ледзь-ледзь выходзіць у нуль».
Адная з прычын, з якіх Банк Амерыкі, Barclays і Morgan Stanley пакуль ўтрымліваюць даўгавыя забавязанні Х — гэта каб не прадаваць іх са стратай на фоне змены эканамічнай абстаноўкі. Да таго ж у 2022-м пасля спробы адмовіцца ад угоды Маска чакалі доўгія судовыя разборы з кампаніяй. Таксама банкі спадзяюцца, што сваю ролю сыграюць сувязі мільярдэра з Дональдам Трампам — некаторыя інвестары могуць палічыць, што становішча сацсеткі палепшыцца.
Паводле паведамлення WSJ, інвестары знізілі ацэнку сваіх долей у Х на 78%, аднак банкі спадзяюцца прадаць даўгі з невялікай зніжкай па 90-95 цэнтаў на долар. Гаворка аб продажы старэйшага доўгу (забавязанняў, якія кампенсуюцца ў выпадку ліквідацыі кампаніі ў першую чаргу) пры захаванні малодшых актываў.
Зрэшты, адзначае The Verge, Маск яшчэ гады два таму казаў, што кампанія можа стаць бясстратнай «на працягу некалькіх месяцаў». А між тым ёй трэба выплачваць больш за $1 млрд працэнтаў па крэдытах на год.
Reuters паведамляе, што на гэтым тыдні банкі Уол-Стрыт плануюць прадаць да $3 млрд даўгавых забавязанняў X.
Рэлацыраваліся? Цяпер вы можаце каментаваць без верыфікацыі акаўнта.