Уначы ў Беларусі не працавалі YouTube, TikTok, Telegram. Медыя пішуць, што «тэсціравалі блакаванне»
У ноч на 10 студзеня ў Беларусі перасталі працаваць YouTube, TikTok, Telegram і іншыя сэрвісы. Пра магчымае блакаванне піша LIGA.net.
YouTube перастаў працаваць у 01:15 паводле мінскага часу і не адкрываўся без VPN да 03:00. На праблемы з доступам да відэасэрвісу скардзіліся карыстальнікі розных правайдараў. Раней YouTube у Беларусі блакавалі ў навагоднюю ноч.
Таксама прыкладна ў гэты ж час без VPN перасталі адкрывацца TikTok і Telegram. Акрамя таго, знік доступ да Twitch, Discord і плэера на hdrezka. Скаргі паступалі і на праблемы з сэрвісамі Google.
Напярэдадні «Белтэлекам» анансаваў планавыя работы на сетцы перадачы даных ад паўночы да 7:30. У прыватнасці, паведамлялася пра магчымыя абмежаванні доступу да паслуг сеткі перадачы даных для абанентаў Мінска, Гомеля і Гомельскай вобласці.
Читать на dev.by