Spotify вырашыў адрозніваць жывых музыкантаў ад віртуальных. З сярэдзіны верасня на профілях віртуальных ШІ-выканаўцаў з’явіцца спецыяльная плашка AI Persona. Маркіроўка будзе сведчыць пра тое, што за праектам не стаіць рэальны чалавек.
Spotify вырашыў адрозніваць жывых музыкантаў ад віртуальных. З сярэдзіны верасня на профілях віртуальных ШІ-выканаўцаў з’явіцца спецыяльная плашка AI Persona. Маркіроўка будзе сведчыць пра тое, што за праектам не стаіць рэальны чалавек.
Галоўная навінка — Spotify па замоўчванні цалкам выключыць такіх ШІ-персанажаў з усіх рэдакцыйных плэйлістаў і рэкамендацыйных алгарытмаў. Слухачы змогуць натрапіць на іх толькі праз прамы пошук або калі самастойна і свядома падпішуцца на профіль.
Сервіс дае музыкантам магчымасць самастойна прызнацца ва ўжыванні ШІ-асобы праз кабінет Spotify for Artists, аднак верыць на слова ніхто не збіраецца. Спецыяльная каманда Spotify пачне прымусова вешаць значкі на профілі з фотарэалістычнымі згенераванымі тварамі ды імёнамі, пачаўшы з найбольш папулярных праектаў. Калі плашку павесяць памылкова, артыст зможа падаць апеляцыю, а ў будучыні скардзіцца на падазроных «ботаў» дазволяць і звычайным карыстальнікам.
У кампаніі падкрэсліваюць, што новы значок датычыць менавіта публічнага вобраза і асобы выканаўцы, а не самога працэсу стварэння музыкі. Калі рэальны музыкант выкарыстоўвае нейрасеткі як інструмент пры напісанні трэкаў, называць яго «ШІ-персанажам» ніхто не стане — для гэтага ў сервісе ўжо працуюць асобныя метададзеныя AI Credits.
Маркіроўка ШІ-аватараў стала чарговым крокам па ачыстцы сервісу. Сёлета Spotify ужо запусціў верыфікацыю «сапраўднасці» музыкантаў Verified by Spotify, сістэму абароны профіляў ад фальшывых рэлізаў Artist Profile Protection і падкруціў алгарытмы так, каб яны адсейвалі спам, смеццевы кантэнт і трэкі, у якія ўклалі мінімум намаганняў.
Рэлацыраваліся? Цяпер вы можаце каментаваць без верыфікацыі акаўнта.