Зрабіць ШІ-агентаў «разумнымі»? Некаторым рэчам навучыць іх яшчэ складаней

У адным з нядаўніх выпускаў падкаста Goldman Sachs Exchanges ён адзначыў, што кампаніі павінны прыдумаць, як закласці ў ШІ-агентаў уласныя каштоўнасці і прынцыпы кіравання — аналагічна таму, як іх засвойваюць звычайныя супрацоўнікі.

Паводле слоў Аргенці, у ІТ-індустрыі асноўная ўвага надаецца «спецыялізацыі экспертызы», у той час як пытанні «ўдасканалення культурных аспектаў агентаў», што надзвычай важна для кіравання ШІ-супрацоўнікамі, амаль не закранаюцца.

Аргенці параўнаў гэта з анбордынгам новых супрацоўнікаў і папярэдзіў, што без належнай культурнай падрыхтоўкі ШІ-агенты будуць прапускаць нюансы, якія вызначаюць ідэнтычнасць кампаніі. ШІ можа стаць разумнейшым з цягам часу, але самастойна засвоіць карпаратыўную культуру ён не здолее. Кампаніі павінны патлумачыць сваю сутнасць ШІ, каб ШІ глядзеў на працу праз іх прызму і гаварыў іх мовай. Напрыклад, ШІ-агент, які рэзюмуе аналіз партфеля для кіравання інвестыцыямі ў Goldman Sachs, павінен інтэрпрэтаваць інфармацыю ў адпаведнасці з падыходамі гэтага банка. У завяршэнні Аргенці адзначыў, што культурнае навучанне агентаў — задача складаная і пакуль што не вырашаная.

Агенты — асістэнты чалавека ў самых розных сферах ад медыцыны да кібербяспекі — адна з самых гарачых тэм у свеце ШІ. Пра наступ эры ШІ-агентаў у студзені казаў генеральны дырэктар Nvidia Джэнсэн Хуанг, а кіраўнік OpenAI Сэм Альтман нядаўна прагназаваў, што першыя ШІ-агенты далучацца да працы ўжо сёлета.

Гендырэктар OpenAI расказаў, калі з’явіцца звышрозум (спойлер: вельмі хутка)

Па тэме

Гендырэктар OpenAI расказаў, калі з’явіцца звышрозум (спойлер: вельмі хутка)

CEO OpenAI: яго пакаленне вучылася пісаць код — сённяшнія студэнты павінны вывучаць ШІ-інструменты

Па тэме

CEO OpenAI: яго пакаленне вучылася пісаць код — сённяшнія студэнты павінны вывучаць ШІ-інструменты