Николай Чикишев 16 снежня 2024, 12:18

SEC аднавіла расследаванне ў дачыненні да Neuralink

Камісія па каштоўных паперах і біржах ЗША (SEC) аднавіла расследаванне ў дачыненні да Neuralink — стартапа Ілана Маска, які распрацоўвае мазгавыя імпланты.

Пакінуць каментарый

Камісія па каштоўных паперах і біржах ЗША (SEC) аднавіла расследаванне ў дачыненні да Neuralink — стартапа Ілана Маска, які распрацоўвае мазгавыя імпланты.

У лісце ад 12 снежня ад адваката Маска Алекса Спіра, адрасаваным старшыні камісіі па каштоўных паперах і біржах Гэры Генслеру, таксама гаворыцца, што агенцтва выдала Маску 48 гадзін на грашовае ўрэгуляванне прэтэнзій камісіі. Інакш ён сутыкнецца з абвінавачваннямі ў расследаванні яго куплі Twitter за $44 мільярды. У лісце Спіра падкрэсліў, што ні ён, ні Маск не спалохаюцца SEC і пакідаюць за сабой права абараняць свае законныя інтарэсы.

Oh Gary, how could you do this to me? 🥹 pic.twitter.com/OoooQI77ZS
— Elon Musk (@elonmusk) December 12, 2024

Летась чацвёра кангрэсменаў звярнуліся ў SEC з просьбай правесці праверку і вызначыць, ці здзейсніў Маск махлярства з каштоўнымі паперамі, уводзячы інвестараў у зман адносна бяспекі мазгавых імплантаў Neuralink. У лістападзе федэральны суд адхіліў запыт SEC пра санкцыі супраць Маска за няяўку на допыт у рамках расследавання аб куплі Twitter, дзе ён, магчыма, парушыў законы пра каштоўныя паперы ў 2022 годзе.

У 2018 годзе SEC падала на Маска ў суд праз яго твіты аб прыватызацыі Tesla. У выніку ён заплаціў штраф у памеры $20 мільёнаў, сышоў з пасады старшыні рады дырэктараў Tesla і пагадзіўся на папярэднюю праверку сваіх пастоў. Незразумела, наколькі сур’ёзнымі будуць наступствы для Маска ў выпадку адмовы ад урэгулявання з SEC. Некаторыя эксперты мяркуюць, што ўплыў Маска на адміністрацыю Трампа можа згуляць яму на руку. SEC можа паспрабаваць даказаць факт махлярства з боку Маска ў справе Neuralink, што можа прывесці да сур’ёзных наступстваў для бізнэсмена.