Сэм Альтман назваў камунікатыўны скіл, які дапаможа дабіцца поспеху ў жыцці

«Уменне сказаць за 30 секунд штосьці, што ў большасці людзей займае 5 хвілін, — вялікая перавага», — напісаў Альтман на сваёй старонцы ў Х.

Ён лічыць, што ўменне выразна выказвацца «на дзіва лёгка развіць» пры дапамозе аднаго простага практыкаванні, якое можна выконваць з сябрамі, што ўжо валодаюць такім навыкам.

«Калі вам гэта складана даецца, папрасіце сябра, у якога з гэтым добра, слухаць вас і перафразаваць сказанае вамі як мага больш сціснута. І так некалькі дзясяткаў разоў», — параіў прадпрымальнік, дадаўшы, што на сваім вопыце пераконваўся ў эфектыўнасці гэтай тэхнікі.

Уменне скарачаць маўленне да сэнсу — разам з актыўным слуханнем і ўменнем вылучаць галоўнае ў гутарцы — у цэлым павышае камунікатыўныя здольнасці супрацоўнікаў, якія, на думку кіраўнікоў, важныя для кар’ернага росту. Акрамя таго, такія навыкі дазваляюць паспяхова наладжваць узаемаадносіны з навакольнымі і павышаюць шанец атрымаць добрую працу. Імі раіў не грэбаваць вядомы інвестар Уорэн Бафет. А супрацоўнікі OpenAI перакананыя, што навык эфектыўнай камунікацыі не проста карысны ў кар’еры, але і абароніць ад страты працы ў эпоху АІ.