У чэрвені генеральны дырэктар Amazon Эндзі Джэсі заявіў, што кампанія будзе скарачаць штат з-за ШІ. Ва ўчарашнім інтэрв’ю CNBC ён назваў ШІ «самай трансфармацыйнай тэхналогіяй нашага часу», якая зменіць шмат чаго не толькі для кліентаў кампаніі, але і для яе супрацоўнікаў. Але прынамсі ў двух напрамках дзейнасці Amazon тэхналогія прывядзе да стварэння працоўных месцаў.
У чэрвені генеральны дырэктар Amazon Эндзі Джэсі заявіў, што кампанія будзе скарачаць штат з-за ШІ. Ва ўчарашнім інтэрв’ю CNBC ён назваў ШІ «самай трансфармацыйнай тэхналогіяй нашага часу», якая зменіць шмат чаго не толькі для кліентаў кампаніі, але і для яе супрацоўнікаў. Але прынамсі ў двух напрамках дзейнасці Amazon тэхналогія прывядзе да стварэння працоўных месцаў.
«У сувязі з тэхнічнай трансфармацыяй стане менш людзей на некаторых пазіцыях, якія будуць аўтаматызаваны. Ці з’явяцца іншыя пазіцыі? Мы будзем наймаць больш людзей у сферы ШІ і робататэхнікі», — адзначыў Джэсі.
Ён дадаў, што ШІ-агенты для кодынгу, даследаванняў, аналітыкі і апрацоўкі табліц зменяць сутнасць штодзённай работы кожнага супрацоўніка. Па яго словах, «стане менш рутыны», і любую задачу людзі змогуць пачынаць не з нуля, а як быццам з сярэдзіны — базавую падрыхтоўку выканае ШІ.
Як адзначае Business Insider, за апошні месяц Amazon выклала ў LinkedIn 500 вакансій, звязаных з робататэхнікай ад практык да сеньёрскіх роляў, напрыклад па распрацоўцы функцыянала для робатаў на базе машыннага навучання і інструментаў візуалізацыі для аналізу паводзін робатаў.
Рэлацыраваліся? Цяпер вы можаце каментаваць без верыфікацыі акаўнта.