СЕО OpenAI напісаў эсэ пра будучыню штучнага інтэлекту

Паводле яго слоў, у найбліжэйшыя дзесяцігоддзі АІ здзейсніць нябачаную рэвалюцыю ў паўсядзённым жыцці людзей. Гэта выявіцца, напрыклад, у выглядзе асабістых асістэнтаў, персаналізаванай адукацыі і медыцыны.

«Гэты феномен не новы, але ён узмоцніцца. З часам у людзей з’явілася значна больш магчымасцяў. Напрыклад, мы ўжо можам рабіць рэчы, якіх нашыя продкі не маглі ўявіць», — напісаў Альтман. Паводле яго слоў, «ужо праз некалькі тысяч дзён» можа з’явіцца «суперразумны АІ».

Рухавіком імклівага прагрэсу АІ прадпрымальнік называе тэхналогію глыбокага навучання, якая ў маштабе стала толькі лепшай, і OpenAI укладвае ў яе ўсё больш рэсурсаў. Ён адзначыў высокі кошт вылічальных рэсурсаў і папярэдзіў, што без паслядоўнага пашырэння інфраструктуры АІ можа стаць дэфіцытным рэсурсам, даступным толькі для багатых.

Таксама Альтман прызнае, што наступ эры АІ будзе несці і негатыўныя моманты для чалавецтва, але ўпэўнены, што ў цэлым плюсы пераважаць мінусы. Напрыклад, АІ прывядзе да справядлівейшага размеркавання багацця. Наконт рынку працы бізнэсовец сказаў, што большасць працоўных месцаў пачне мяняцца, але гэтыя змены будуць адбывацца павольней, чым чакаецца, а людзі не застануцца без справы. Акрамя таго, АІ дапаможа справіцца з экалагічнымі праблемамі, заснаваць касмічныя калоніі, а таксама зрабіць новыя адкрыцці ў фізіцы.

«Я веру, што будучыня будзе настолькі яркай, што яе немагчыма як след апісаць цяпер. Вызначальнай характарыстыкай стагоддзя інтэлекту стане масавы росквіт», — напісаў ён.

OpenAI представила языковую модель o1 — она мощнее GPT-4o и умеет рассуждать

По теме

OpenAI представила языковую модель o1 — она мощнее GPT-4o и умеет рассуждать

CEO OpenAI поделился мыслями по поводу запуска продуктов

По теме

CEO OpenAI поделился мыслями по поводу запуска продуктов