У ЗША арыштавалі кітайскіх шпіёнаў, якія хацелі даведацца пра расследаванне супраць Huawei

Таксама, на думку следства, двойка дзейнічала беспасярэдне ў інтарэсах кампаніі Huawei Technologies. Паводле версіі следства, у 2017 годзе Гоўчунь Хэ і Чжэн Ван зрабілі спробу завербаваць адную з афіцыйных асоб, якія мелі доступ да матэрыялаў следства супраць Huawei Technologies. У абмен на грошы і каштоўнасці, уключна з крыптавалютай, яны хацелі схіліць грамадзяніна ЗША да супрацоўніцтва з кітайскім бокам.

Аднак амерыканец аказаўся падвойным агентам, які працаваў у ФБР. Гэта дазволіла раскрыць планы падазраваных. За адзін дакумент з грыфам «сакрэтна» абвінавачаныя перадалі агенту $41 тысячу. Следства лічыць, што абвінавачаныя хацелі атрымаць непублічную інфармацыю пра ход расследавання супраць кампаніі, уключна з аўдыёзапісамі судовых пасяджэнняў, якія праходзілі ў закрытым фармаце. Выплаты інфарматару працягваліся да апошняга моманту, пакуль грамадзяне КНР не былі арыштаваныя.

Таксама чатыры кітайскія грамадзяніны былі арыштаваныя з абвінавачвання ў прамысловым шпіянажы на карысць сваёй краіны. Паводле версіі следства, яны спрабавалі завербаваць членаў акадэмічнай супольнасці і працаўнікоў праваахоўнай сістэмы, каб атрымліваць каштоўную тэхнічную і навуковую інфармацыю. Патэнцыйным саўдзельнікам прапаноўваліся каштоўныя падарункі, у тым ліку цалкам аплачаныя турыстычныя паездкі ў Кітай.