Siemens шукае спецыяліста па Windows 3.11

Публікацыю першым заўважыла нямецкае выданне Heise. Яно высветліла, што працадаўцам маглі выступаць Deutsche Bahn або чыгуначнае падраздзяленне Siemens.

Windows 3.11 ужо больш за 30 гадоў, а яе падтрымка завяршылася ў 2001 годзе. Тым не менш кампаніі патрабуецца чалавек для суправаджэння аперацыйкі, на базе якой працуюць сістэмы і інтэрфейсы, якія адлюстроўваюць тэхнічную інфармацыю ў рэальным часе для машыністаў цягнікоў. Таксама перавагай было заяўлена веданне MS-DOS і Windows for Workgroups, а таксама досвед працы ў чыгуначнай сферы і з сістэмай кіравання рухам цягнікоў Siemens пад назвай Sibas. Чытачы The Register у Германіі адзначылі, што састарэлыя тэхналогіі — даволі распаўсюджаная з’ява ў краіне.

Пазней у Siemens Mobility пацвердзілі Heise, што гэта была іх вакансія. Там дадалі, што паколькі тэрмін эксплуатацыі цягнікоў і чыгуначнай інфраструктуры складае 30 і больш гадоў, перавозку пасажыраў па-ранейшаму забяспечваюць хай і старыя, але правераныя часам сістэмы, якія сталі стандартам у галіне. Хоць для новых прадуктаў выкарыстоўваецца сучасны софт, у тым ліку на аснове АІ.