СК пачаў спецвытворчасць супраць заснавальніц Imaguru
Імёны Таццяны Марыніч і Анастасіі Хамянковай з’явіліся ў адпаведным спісе. У кожнай па дзевяць артыкулаў КК.
СК 2 мая пачаў адмысловую вытворчасць супраць фаўндараў стартап-хаба Imaguru Таццяны Марыніч і Анастасіі Хамянковай. Іх імёны ўключаныя ў «пералік асоб, у дачыненні да якіх пачатая спецыяльная вытворчасць і выкліканых у орган крымінальнага пераследу» пад нумарамі 96 і 97.
Кожнай выстаўлена па дзевяць аднолькавых крымінальных артыкулаў, у тым ліку стварэнне экстрэмісцкага фармавання альбо ўдзел у ім (Imaguru быў прысвоены статус экстрэмісцкага фармавання ў жніўні 2023 года).
Усе дзевяць артыкулаў:
ч. 3 арт. 130 (распальванне расавай, нацыянальнай, рэлігійнай альбо іншай сацыяльнай варожасці);
ч. 2 арт. 243 (ухіленне ад выплаты падаткаў, збораў);
ч. 1 арт. 357 (змова або іншыя дзеянні, учыненыя з мэтай захопу дзяржаўнай улады);
ч. 3 арт. 361 (заклікі да мер абмежавальнага характару (санкцый), іншых дзеянняў, накіраваныя на прычыненне шкоды нацыянальнай бяспецы Рэспублікі Беларусь);
ч. 2, ч. 3 арт. 3611 (стварэнне экстрэмісцкага фармавання альбо ўдзел у ім);
ч. 2 арт. 3612 (фінансаванне экстрэмісцкай дзейнасці);
ч. 2 арт. 3613 (удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вярбоўка альбо падрыхтоўка асоб да такога ўдзелу) (у рэдакцыі Закона Рэспублікі Беларусь ад 20.04.2016 № 358-3);
арт. 3691 (дыскрэдытацыя Рэспублікі Беларусь);
ч. 2 арт. 424 (злоўжыванне службовымі паўнамоцтвамі).
Таццяне Марыніч і Анастасіі Хамянковай прапаноўваецца з’явіцца ў Галоўнае следчае ўпраўленне.
Спецыяльная вытворчасць, як гаворыцца на сайце СК, гэта вытворчасць па крымінальнай справе ў дачыненні да абвінавачанага, «які знаходзіцца па-за межамі Рэспублікі Беларусь і ўхіляецца ад яўкі ў орган, які вядзе крымінальны працэс». Пасля дадання імя чалавека ў афіцыйны пералік ён лічыцца «належна паінфармаваным».
Читать на dev.by