Палова з 11 тысяч скарочаных Meta — айцішнікі
У пятніцу ў Meta прайшоў усеагульны сход супрацоўнікаў, на якім ім паведамілі, што кампанія згортвае распрацоўку разумных дысплэяў і смарт-гадзіннікаў. І што амаль палова іх калег, звольненых на гэтым тыдні, займала тэхналагічныя пасады. Пра змест мерапрыемства стала вядома Reuters.
Таксама было агучана, што плануецца рэарганізаваць асобныя часткі кампаніі. Так, падраздзяленне па галасавых і відэазванках аб’яднаюць з камандамі, якія адказваюць за абмен паведамленнямі. Новая адзінка атрымае назву Family Foundations і зоймецца рашэннем складаных інжынерных задач.
Нядаўні раўнд звальненняў стаў самым масавым за ўсю 18-гадовую гісторыю кампаніі. Ён закрануў супрацоўнікаў на ўсіх узроўнях карпаратыўнай лесвіцы і ва ўсіх камандах. Пад нож трапілі нават тыя, у каго былі высокія паказчыкі прадукцыйнасці.
У цэлым доля супрацоўнікаў на айцішных пазіцыях сярод звольненых склала 46%. Штат рэкруцёраў паменшылі амаль напалову.
Паводле слоў кіраўніцтва Meta, больш звальненняў не прадбачыцца. Але кампанія працягне шукаць спосабы скарачэння выдаткаў.
Читать на dev.by