Памёр сузаснавальнік Intel Гордан Мур

У заяве кампаніі гаворыцца, што Мур памёр у атачэнні сям'і ў сваім доме на Гаваях. Генеральны дырэктар Intel Пэт Гелсінгер заявіў: «Мур азначыў тэхналагічную галіну сваімі ведамі і бачаннем».

Мур нарадзіўся 3 студзеня 1929 года ў Сан-Францыска. У 1957 годзе ён стаў адным з заснавальнікаў кампаніі Fairchild Semiconductor, якая ўпершыню стварыла інтэгральную схему, прыдатную для масавай вытворчасці.

Шырока вядомым стаў «закон Мура», які даследчык сфармуляваў у 1965 годзе. Згодна з яго гіпотэзай, колькасць транзістараў у інтэгральнай схеме будзе падвойвацца штогод.