«Джэймс Уэб» трэці раз у гісторыі сфатаграфаваў «Слупы стварэння»

NASA ўдакладняе, што гэта трэцяя серыя здымкаў з 1995 года. «[Здымкі] дапамогуць даследчыкам абнавіць свае мадэлі зоркаўтварэння за кошт дакладнейшага падліку новых зорак, а таксама вызначыць колькасць газу і пылу ў [гэтым] раёне», — сказана ў паведамленні. Першыя здымкі «Слупоў стварэння» перадаў тэлескоп «Хабл» у 1995 годзе, другую серыю ён даслаў у 2014 годзе.

Туманнасць Арла знаходзіцца на адлегласці каля 6,5 тысяч светлавых гадоў ад Зямлі ў сузор'і Змяі. Туманнасць — гэта скупнасць міжзоркавага газу і пылу, з якой нараджаюцца новыя зоркі за кошт аб’яднання часціц. Навукоўцы лічаць, што каля 6 тысяч гадоў таму ў ваколіцах «Слупоў стварэння» адбыўся выбух звышновай зоркі. Астраномы мяркуюць, што ў сувязі з гэтым «Слупоў» больш няма, але з Зямлі гэтага пакуль не відаць.