Астанавісь: Snoop Dogg заклікаў Дурава перастаць нараджаць дзяцей

«Братан, ты не дзяцей заводзіш, ты цэлыя вывадкі шчанюкоў пладзіш. Прыпыніся крыху», — напісаў Snoop Dogg.

Дураў у адказ прапанаваў абмеркаваць гэтае пытанне ў Telegram, у якога лепш з прыватнасцю. Рэпер завёў канал у Telegram у маі.

У мінулым годзе заснавальнік месэнджара казаў, што пры дапамозе ананімнага донарства спермы ім зачата больш за 100 дзяцей у 12 краінах. Тады на пост адрэагаваў Ілан Маск — у найбагацейшага чалавека на планеце 14 дзяцей, якіх ён «зрабіў сам».

Нядаўна ў інтэрв’ю французскай газеце Дураў казаў пра спадчыну, якую атрымаюць яго дзеці. Ён сказаў, што «не робіць адрозненняў паміж сваімі дзецьмі: ёсць тыя, хто быў зачаты натуральным шляхам, і тыя, хто нарадзіўся ў выніку здачы спермы» — усе яны будуць мець аднолькавыя правы.