«Сабраліся байцы і камісары». У БДУІР у савецкім стылі ўзнагародзілі будаўнічы атрад

Атрад «Спадчына» БДУІР, які працаваў на рэканструкцыі стадыёна «Трактар», прызналі найлепшым будаўнічым атрадам Мінска, паведаміла прэс-служба ўніверсітэта.

У цырымоніі закрыцця, як паведамляецца, удзельнічалі «байцы і камісары студэнцкіх атрадаў, ветэраны студатрадаўскага руху».

Паводле звестак інфармагенцтва БЕЛТА, у 2024 годзе было працаўладкавана 18,5 тыс. маладых людзей, у тым ліку больш за 5,5 тыс. непаўналетніх. Гэты паказчык на 3,7 тыс. чалавек перавысіў даныя мінулага года. «Сталічныя байцы працаваў на найбуйнейшых прадпрыемствах Мінска, у іх ліку «Мінсктранс», «Камунарка», «МАЗ», «Мінскзелянбуд», «Інтэграл».