З-за інструментаў на базе штучнага інтэлекту з’явілася столькі «ідэальных» кандыдатаў, што некаторыя кампаніі аддаюць перавагу правядзенню інтэрв’ю твар да твару і ўзмацняюць праверку патэнцыйных супрацоўнікаў. Такая сітуацыя ў Ганконгу, распавялі South China Morning Press у кампаніі Robert Walters, якая займаецца рэкрутынгам і кансалтынгам.
З-за інструментаў на базе штучнага інтэлекту з’явілася столькі «ідэальных» кандыдатаў, што некаторыя кампаніі аддаюць перавагу правядзенню інтэрв’ю твар да твару і ўзмацняюць праверку патэнцыйных супрацоўнікаў. Такая сітуацыя ў Ганконгу, распавялі South China Morning Press у кампаніі Robert Walters, якая займаецца рэкрутынгам і кансалтынгам.
Кліенты фірмы ў горадзе цяпер больш уважліва праводзяць ацэнку заявак ад кандыдатаў, асабліва занадта ідэальных, і высвятляюць, ці ўжывалі яны ШІ-інструменты. Таксама ўсё больш кампаній вяртаюцца да асабістых сумоўяў, каб пераканацца, што маюць справу з рэальным чалавекам.
Гаворка ідзе пра самыя разнастайныя інструменты. Напрыклад, у LinkedIn ёсць сэрвіс для складання вакансій і адказаў саіскальнікам для рэкрутэраў на базе ШІ. А саіскальнікі могуць з дапамогай ШІ генерыць профілі і адгукацца на вакансіі, а таксама адказваць на пытанні падчас сумоўяў па відэасувязі з дапамогай чат-ботаў. Вось гэты момант і турбуе кампаніі. То бок, з аднаго боку, ШІ спрасціў прыцягненне кандыдатаў, а з другога — стварыў кампаніям дадатковую працу па іх праверцы.
У Robert Walters раяць кліентам праводзіць вочныя сумоўі і глядзець не толькі на адпаліраванае рэзюмэ, а выкарыстоўваць прыкладныя метады ацэнкі экспертызы саіскальнікаў, напрыклад даваць кейсы і заданні, звязаныя з канкрэтнай пасадай. У кампаніі таксама адзначаюць, што ШІ не падробіць такія важныя якасці, як эмацыйны інтэлект, эмпатыю і крытычнае мысленне.
Акрамя таго, кампаніі пачалі дыферэнцыяваць працу, якую можна даручыць ШІ і якую павінен выконваць чалавек. ШІ дазваляе людзям сканцэнтравацца на больш важных задачах, у якіх патрабуюцца іх ключавыя навыкі. Паводле даследавання, якое ў Robert Walters праводзілі ў гэтым годзе, дзве трэці ганконгскіх супрацоўнікаў ужо выкарыстоўваюць ШІ у працы.
Эксперты фірмы раяць маладым спецыялістам вучыцца працаваць з ШІ і выкарыстоўваць для аўтаматызацыі базавых задач, каб надаваць больш часу таму, што ШІ зрабіць пакуль не можа. Больш даседчаным супрацоўнікам рэкамендуюць выкарыстоўваць іх таксама для даследаванняў і генерацыі ідэй. А менеджменту важна разбірацца ў інструментах, якія ёсць на рынку, каб ведаць іх абмежаванні і тое, як эфектыўней іх задзейнічаць.
Рэлацыраваліся? Цяпер вы можаце каментаваць без верыфікацыі акаўнта.