Николай Чикишев 24 мая 2023, 17:24

Sony плануе выпусціць да паловы сваіх гульняў на ПК

На бізнэс-прэзентацыі кампанія расказала, што плануе пашырыць сваю прысутнасць на мабільным рынку.

Sony лічыць, што ў кампаніі ёсць тры асноўныя пункты росту: гэта рост кансольнага маркету (PlayStation 5, PSVR2, падпіскі і дэвайсы), пашырэнне партфоліа гульняў і калабарацыя з Sony Group (выпуск серыялаў, фільмаў і анімэ паводле франшыз PlayStaion). Выдавец плануе пашыраць каталог унутраных студый PlayStation і выпускаць мінімум два буйныя рэлізы на год.

Да канца 2024 года маюць выйсці некалькі буйных рэлізаў на кансолі: Silent Hill: Townfall, Marvel Wolverine і Avatar Frontiers of Pandora. Таксама кампанія будзе пашыраць сваю прысутнасць на мабільным рынку гульняў. У 2025 годзе Sony плануе выпускаць палову сваіх гульняў на ПК. Цяпер, паводле даных кампаніі, 30% падпісчыкаў PlayStation Plus падпісаныя на Extra і Premium, то-бок каля 14 мільёнаў карыстальнікаў.