Супрацоўнікі Google DeepMind папрасілі кіраўніцтва кампаніі распрацаваць выразныя меры і палітыкі, якія забяспечаць ім «фізічную бяспеку» на працоўных месцах на фоне дзеянняў іміграцыйнай службы ЗША (ICE).
Супрацоўнікі Google DeepMind папрасілі кіраўніцтва кампаніі распрацаваць выразныя меры і палітыкі, якія забяспечаць ім «фізічную бяспеку» на працоўных месцах на фоне дзеянняў іміграцыйнай службы ЗША (ICE).
Паводле Wired, нагодай стала эскалацыя іміграцыйных рэйдаў і нядаўні інцыдэнт у Мінеапалісе, дзе федэральныя агенты застрэлілі медбрата Алекса Прэці.
У адным з паведамленняў на ўнутраным форуме DeepMind супрацоўнік задаў пытанне, якія крокі кампанія прадпрымае, каб абараніць работнікаў ад магчымага затрымання, гвалту ці сілавых дзеянняў з боку федэральных службаў — як у офісах, так і па дарозе на працу.
Аўтар заявіў, што апошнія падзеі паказалі: ні грамадзянства, ні іміграцыйны статус, ні выкананне закона не гарантуюць абароны ад жорсткіх дзеянняў уладаў. Паведамленне атрымала больш за 20 станоўчых рэакцый ад калег.
Як паведамляе выданне, да вечара таго ж дня ні адзін з топ-менеджараў Google ці DeepMind публічна не адказаў на запыт. Крыніцы выдання сцвярджаюць, што кіраўніцтва кампаніі, уключаючы генеральнага дырэктара Google Сундара Пічаі і кіраўніка DeepMind Дэміса Хасабіса, таксама не абмяркоўвала здарэнне ўнутры кампаніі.
Апасенні супрацоўнікаў падмацаваны канкрэтным інцыдэнтам. Увосень мінулага года федэральны агент без папярэджання паспрабаваў трапіць у офіс Google у Кембрыджы, штат Масачусэтс. Служба бяспекі кампаніі паведаміла, што агенту адмовілі ва ўваходзе з-за адсутнасці ордэра, пасля чаго ён пакінуў будынак.
Хоць многія кіраўнікі бігтэху ў Крамянёвай даліне пазбягаюць публічных заяў пра дзеянні адміністрацыі Дональда Трампа, работнікі ўсё часцей падымаюць пытанні пра бяспеку замежных спецыялістаў і супрацоўніцтва кампаній з дзяржаўнымі структурамі.
Google, як і іншыя буйныя тэхналагічныя кампаніі, залежыць ад тысяч высокакваліфікаваных супрацоўнікаў з іншых краін, якія працуюць па візах. Раней Google і Apple ўжо рэкамендавалі некаторым такім работнікам не пакідаць ЗША пасля ўзмацнення візавых праверак.
Релоцировались? Теперь вы можете комментировать без верификации аккаунта.