Саўладальніку Wargaming прысудзілі 13 гадоў завочна і вялізны штраф

Справа разглядалася ў Мінскім гарадскім судзе з 26 жніўня па 8 верасня. Кацалапаву прад’яўлялі абвінавачванне ў фінансаванні «экстрэмісцкай» і «тэрарыстычнай» дзейнасці. Ён быў прызнаны вінаватым па трох артыкулах.

• Па ч. 1 арт. 361-2 КК за фінансаванне «экстрэмізму» яго прысудзілі да 3 гадоў пазбаўлення волі.
• Па ч. 2 арт. 361-2 КК за паўторнае фінансаванне «экстрэмізму» — да 6 гадоў пазбаўлення волі і штрафу ў 49 тысяч базавых (2,058 млн рублёў).
• Па ч. 2 арт. 290-1 КК за фінансаванне «тэрарызму» — да 12 гадоў пазбаўлення волі і штрафу ў тысячу базавых (48 тысяч рублёў).

Канчатковы прысуд складзены шляхам частковага складання асноўных тэрмінаў і дадатковых штрафаў. У красавіку прапагандысты паведамлялі, што Кацалапаў перавёў непажаданым арганізацыям каля $300 тысяч. У 2023 годзе яго ўнеслі ў спіс «тэрарыстаў».