Николай Чикишев world 7 студзеня 2026, 15:53

Стваральнік Claude Code паказаў, як вайбкодзіць. Камьюніці загудзела

Стваральнік інструмента для праграмавання Claude Code Барыс Чорны падрабязна расказаў пра свой працоўны працэс — і гэта выклікала бурную рэакцыю ў інжынернай супольнасці.

Пакінуць каментарый

Стваральнік Claude Code паказаў, як вайбкодзіць. Камьюніці загудзела

Стваральнік інструмента для праграмавання Claude Code Барыс Чорны падрабязна расказаў пра свой працоўны працэс — і гэта выклікала бурную рэакцыю ў інжынернай супольнасці.

Чорны ўзначальвае Claude Code у Anthropic, і яго падыход радыкальна адрозніваецца ад звыклай лінейнай мадэлі праграмавання. Замест паслядоўнай працы «напісаў — пратэставаў — выправіў» ён адначасова запускае некалькі ШІ-агентаў.

I’m Boris and I created Claude Code. Lots of people have asked how I use Claude Code, so I wanted to show off my setup a bit.

My setup might be surprisingly vanilla! Claude Code works great out of the box, so I personally don’t customize it much. There is no one correct way to…
— Boris Cherny (@bcherny) January 2, 2026

«Я запускаю пяць Claude паралельна ў тэрмінале», — тлумачыць Чорны. Ён размяркоўвае задачы паміж укладкамі: адзін агент запускае тэсты, другі займаецца рэфактарынгам, трэці піша дакументацыю. Дадаткова ён выкарыстоўвае яшчэ некалькі сесій Claude у браўзеры, пераключаючыся паміж імі па меры неабходнасці.

Ключавой дэталлю стала і тое, якую мадэль ён выбірае. Насуперак імкненню індустрыі да максімальнай хуткасці, Чорны аддае перавагу самай «цяжкай» і павольнай мадэлі Anthropic — Opus 4.5. Па яго словах, яна патрабуе менш кантролю з боку чалавека і лепш працуе з інструментамі, таму ў выніку эканоміць час. «Нават калі яна павольнейшая, вынік атрымліваецца хутчэй, бо яе не даводзіцца пастаянна папраўляць», — адзначае ён.

Каб вырашыць праблему «забыўлівасці» ШІ, каманда Claude Code выкарыстоўвае просты, але эфектыўны прыём. У кожным рэпазіторыі захоўваецца файл CLAUDE.md, куды распрацоўшчыкі запісваюць усе памылкі, якія агент дапускаў раней. У наступны раз Claude улічвае гэтыя правілы. Такім чынам, кожная памылка ператвараецца ў пастаяннае абмежаванне, а ШІ з часам лепш адаптуецца да канкрэтнага праекта і стылю каманды.

Чорны таксама актыўна аўтаматызуе рутынныя працэсы. З дапамогай slash-камандаў ён даручае агенту выкананне складаных паслядоўнасцяў дзеянняў: ад камітаў да адкрыцця pull request. Асобныя падагенты адказваюць за праверку аплікацый, спрашчэнне архітэктуры ці фінальнае тэставанне перад рэлізам.

Найважнейшым элементам ён называе «пятлю верыфікацыі»: Claude не проста піша код, але і сам яго правярае, запускаючы тэсты, браўзерныя сцэнарыі і ітэратыўна выпраўляючы памылкі. Па ацэнцы Чорнага, такая схема павышае якасць выніку ў два-тры разы.