Сузаснавальнік стартапа Fireflies AI Сэм Удотонг расказаў, што на раннім этапе развіцця праекта кампанія прадавала кліентам расшыфроўку сустрэч, нібыта створаную ШІ, хаця насамрэч заснавальнікі рабілі яе ўручную.
Сузаснавальнік стартапа Fireflies AI Сэм Удотонг расказаў, што на раннім этапе развіцця праекта кампанія прадавала кліентам расшыфроўку сустрэч, нібыта створаную ШІ, хаця насамрэч заснавальнікі рабілі яе ўручную.
Па словах Удотонга, пасля шасці няўдалых праектаў ён і другі сузаснавальнік, Крыш Рамінені, вырашылі праверыць новую ідэю — «ШІ-асістэнта» для нарадаў — перш чым інвеставаць у распрацоўку тэхналогій. Першым кліентам яны казалі, што ў званок падключыцца нейрасетка, якая створыць кароткае рэзюмэ сустрэчы. На справе заснавальнікі падключаліся самі пад імем «Fred from Fireflies.ai» і ўручную запісвалі ўсё, што адбывалася.
«Мы бралі $100 у месяц за „ШІ“, які насамрэч быў двума хлопцамі, якія жылі на адной піцы», — напісаў Удотонг. Па яго словах, пасля сотні такіх сустрэч яны нарэшце змаглі назапасіць $750 на арэнду «маленечкай гасцінай» у Сан-Францыска і толькі пасля гэтага пачалі аўтаматызаваць прадукт.
У 2017 годзе каманда стварыла першую працоўную версію сэрвісу. У 2019-м Fireflies прыцягнуў $5 мільёнаў, а ў 2021-м — яшчэ $14 мільёнаў, хутка стаўшы адным з самых папулярных інструментаў для аўтаматычнага запісу і аналізу перамоваў. Летам 2025 года, пасля дадання галасавога асістэнта, ацэнка Fireflies дасягнула $1 мільярда. Зараз кампанія заяўляе пра 20 мільёнаў карыстальнікаў і 500 тысяч карпаратыўных кліентаў па ўсім свеце.
Публікацыя Удотонга выклікала неадназначную рэакцыю. Некаторыя карыстальнікі раскрытыкавалі практыку схаванай прысутнасці на званках, назваўшы яе парушэннем даверу і магчымым парушэннем законаў аб канфідэнцыйнасці. Удотонг у адказ падкрэсліў, што з моманту аўтаматызацыі «бяспека і абарона дадзеных сталі фундаментальнымі прынцыпамі кампаніі».
«Нішто не матывуе мацней, чым жыццё ад месяца да месяца без падушкі бяспекі. Лепшы спосаб праверыць бізнес-ідэю — самому стаць сваім прадуктам», — заявіў бізнэсмен. Ён таксама паабяцаў расказаць у будучых пастах іншыя «нетрадыцыйныя» гісторыі запуску Fireflies, якія, па яго словах, дапамогуць прадпрымальнікам зразумець, як на практыцы правяраць жыццяздольнасць ідэі да ўкладанняў у тэхналогію.
Релоцировались? Теперь вы можете комментировать без верификации аккаунта.