SpaceX павысіла кошт інтэрнэту для ўкраінцаў
SpaceX абвясціла пра павышэнне цэн на спадарожнікавы інтэрнэт Starlink для жыхароў Украіны, даведаўся «Камерсант». Гаворка вядзецца пра падаражэнне як штомесячных тарыфаў, так і абсталявання для працы інтэрнэту. Пра гэта гаворыцца ў лістах, разасланых украінскім карыстальнікам.
Так, кошт падпіскі павышаецца ад $60 да $75 на месяц (то-бок на 25%), а тэрмінал і антэна цяпер каштуюць на 40% даражэй — не $500, а $700.
Новыя цэны для ўкраінскіх кліентаў пачнуць дзейнічаць ад 29 снежня. Тым, каго гэта не задавальняе, прапанавана адмовіцца ад паслуг Starlink.
У верасні SpaceX папярэдзіла Пентагон, што не можа працягваць спансаваць сувязь у краіне праз рост выдаткаў, і папрасіла ведамства часткова ўзяць іх на сябе. Але пазней гендырэктар кампаніі Ілан Маск перадумаў. Паводле яго даных, SpaceX аплачвае прыкладна 11 тысяч тэрміналаў спадарожнікавай сувязі з 25 тысяч — астатнія фінансуюцца са сродкаў іншых краін і прыватных ахвяраванняў.
Читать на dev.by