Украіна дамовілася са SpaceX наконт пастаўкі больш як 10 тысяч талерак для працы спадарожнікавага інтэрнэту Starlink. Пра гэта ў інтэрв’ю Bloomberg паведаміў міністр лічбавай трансфармацыі краіны Міхаіл Фёдараў.
Украіна дамовілася са SpaceX наконт пастаўкі больш як 10 тысяч талерак для працы спадарожнікавага інтэрнэту Starlink. Пра гэта ў інтэрв’ю Bloomberg паведаміў міністр лічбавай трансфармацыі краіны Міхаіл Фёдараў.
Абсталяванне для прыёму сігналу са спадарожнікаў будзе дастаўленае ў краіну найбліжэйшымі месяцамі.
Фёдараў дадаў, што кампанія і яе гендырэктар Ілан Маск аператыўна рэагуюць і дапамагаюць украінскаму боку, а таксама што ён гутарыў з мільярдэрам напрамую. «Маск запэўніў нас, што ён працягне падтрымліваць Украіну», — сказаў Фёдараў.
Ён таксама расказаў, што калі ў краіне здарылася маштабнае адключэнне электрычнасці, то ў гэты ж дзень напісаў Маску, і той імгненна адгукнуўся і ўжо зрабіў некаторыя крокі. «Ён разумее сітуацыю», — працягнуў міністр.
Раней Фёдараў казаў, што ад пачатку вайны краіна атрымала каля 22 тысяч талерак Starlink.
Ён дадаў, што ўдзельнічаць у аплаце новай партыі тэрміналаў пагадзіліся ўрады некалькіх краін Еўрапейскага Саюза — якіх менавіта, ён не ўдакладніў. Але сказаў, што фінансавае пытанне цалкам закрытае.
Як адзначае Bloomberg, абсталяванне Starlink грае важную ролю ў забеспячэнні сувязі — у тым ліку паміж вайскоўцамі — ва Украіне, чыю тэлекамунікацыйную сетку метадычна знішчае Расія. Паводле слоў Фёдарава, альтэрнатывы спадарожнікавай сувязі ў яго краіны цяпер няма.
Талеркі Starlink і генератары электраэнергіі закупляюць у тым ліку мясцовыя тэхналагічныя кампаніі. ІТ займае другое месца ва Украіне паводле велічыні экспартнай выручкі. Галіна працягнула нарошчваць продаж у гадавых суадносінах, нягледзячы на вайну, хаця ў кастрычніку на тле блэкаўтаў даходы ўпершыню за гэты перыяд паказалі спаданне.
Рэлацыраваліся? Цяпер вы можаце каментаваць без верыфікацыі акаўнта.