SpaceX падала ў суд на рэгулятара, які абвінаваціў яе ў незаконным звальненні супрацоўнікаў

Раней NLRB пачало расследаванне, падазраючы, што SpaceX незаконна звольніла групу супрацоўнікаў за крытыку выказванняў Ілана Маска, якая была апублікаваная ў адкрытым лісце. Таксама ўпраўленне сцвярджае, што кампанія дапытвала супрацоўнікаў наконт іх датычнасці да гэтага ліста і заклікала супрацоўнікаў звольніцца на ўласнае жаданне.

У сустрэчным пазове SpaceX паказвае, што разгляд NLRB парушае «канстытуцыйнае права SpaceX на суд прысяжных» і просіць суд прыпыніць расследаванне ўпраўлення. Слуханне ў NLRB па справе SpaceX прызначанае на 5 сакавіка, аднак яно можа быць перанесена ў выпадку задавальнення апеляцыі кампаніі.