Spotify выдаліла дзясяткі тысяч трэкаў, якія нібыта напісаныя АІ

Boomy спецыялізуецца на генератыўным штучным інтэлекце. Створаныя кампаніяй песні былі выдаленыя праз падазрэнне ў «штучным стрымінгу». Spotify лічыць, што боты пад выглядам карыстальнікаў падымаюць праслухоўванні песень і дазваляюць ім набраць папулярнасць. Сэрвіс выдаліў каля 7% трэкаў, размешчаных Boomy.

Раней кампанія гуказапісу Universal Music паскардзілася на падазроную актыўнасць, звязаную з Boomy. У 2021 годзе Boomy паказала сэрвіс для генерацыі музыкі штучным інтэлектам. Нейрасетка паводле ключавых слоў стварае запісы, якімі можна дзяліцца або публікаваць на стрымінгавых сэрвісах.