ЗША і Вялікабрытанія не падпісалі дэкларацыі на саміце АІ у Парыжы

У сваім выступе Вэнс неаднаразова падкрэсліў, што ЗША з’яўляюцца лідарамі ў сферы штучнага інтэлекту і адміністрацыя Трампа прыкладзе ўсе намаганні, каб «захаваць гэтае лідарства».

Ён выказаў гатоўнасць да супрацоўніцтва з іншымі краінамі ў развіцці АІ, але пры гэтым адхіліў падыход ЕС да рэгулявання тэхналогій. На яго думку, залішняе рэгуляванне можа «забіць» перспектыўную галіну на самым старце. Вэнс заклікаў да дэрэгулявання і палітыкі, якая спрыяе росту ў сферы АІ.

Вэнс раскрытыкаваў закон «пра лічбавыя паслугі» (DSA), назваўшы яго «масіўным рэгуляваннем», якое «паліруе так званую дэзынфармацыю». Ён адзначыў, што адміністрацыя Трампа занепакоеная тым, што некаторыя замежныя ўрады спрабуюць «закруціць гайкі» амерыканскім тэхналагічным кампаніям.

ЗША адмовіліся далучыцца да сумеснай заявы, ініцыяванай Францыяй, якая заклікала да «інклюзіўнага і ўстойлівага» падыходу да развіцця АІ. Эксперты ўспрынялі гэта як сведчанне рознагалоссяў паміж ЗША і Еўропай. Таксама дэкларацыі не падпісала Вялікабрытанія.

На саміце таксама прысутнічаў віцэ-прэм’ер Кітая Чжан Гацін, што сведчыць аб глабальнай канкурэнцыі ў сферы АІ. Вэнс не згадваў Кітая ў сваім выступе, але адзначыў, што аўтарытарныя рэжымы выкарыстоўваюць АІ у ваенных мэтах.