ЗША пазбавілі віз шасцярых іншаземцаў за крытыку ў сацсетках

Ведамства заявіла, што «Злучаныя Штаты не абавязаны прымаць замежнікаў, якія жадаюць смерці амерыканцам». У афіцыйным паведамленні, апублікаваным на платформе X, гаворыцца, што ведамства «працягвае выяўляць уладальнікаў віз, якія святкавалі пачварнае забойства Чарлі Кірка».

У серыі паведамленняў Дзярждэп прывёў прыклады шасці «замежнікаў, якім больш не радыя у ЗША», апублікаваўшы скрыншоты іх пастоў. Сярод іх — грамадзяне Аргенціны, Бразіліі, Германіі, Мексікі, Парагвая і Паўднёвай Афрыкі. Імёны не раскрываюцца, аднак па апублікаваных выявах журналістам удалося ўстанавіць асобу як мінімум двух чалавек, які раней адчулі на сабе цкаванне з боку амерыканскіх кансерватараў.

Адзін з карыстальнікаў X пісаў: «Чарлі Кірк не будзе героем. Яго выкарыстоўвалі, каб стварыць рух белых нацыяналістаў-трэйлерных адкідаў».

Дзярждэп адзначыў, што прэзідэнт Дональд Трамп і дзяржсакратар Марка Рубіа «будуць абараняць межы, культуру і грамадзян ЗША, ужываючы міграцыйныя законы. Замежнікі, якія злоўжываюць амерыканскай гасціннасцю і радуюцца забойству нашых грамадзян, будуць высланы».

Раней намеснік дзяржсакратара Крыстафер Ландаў заклікаў карыстальнікаў сацсетак паведамляць яму аб пастах, дзе апраўдваецца забойства Кірка. Ён заявіў, што «абураны тым, што некаторыя карыстальнікі публічна выказваюць спачуванне забойцу», і даручыў консулам «ужыць адпаведныя меры».

Гэты крок стаў працягам жорсткай палітыкі адміністрацыі Трампа, якая раней выслала амбасадара Паўднёвай Афрыкі з-за крытыкі прэзідэнта, ануляваў візу кіраўніка Палесцінскай адміністрацыі Махмуда Абаса на ўдзел у Генасамблеі ААН і забараніў уезд брытанскаму гурту Bob Vylan.

Акрамя таго, урад праводзіць праверку больш за 55 мільёнаў дзеючых віз на прадмет «парушэння стандартаў ЗША». Праваабарончыя арганізацыі асудзілі такія меры як прамое парушэнне свабоды слова, падкрэсліўшы, што канстытуцыйныя гарантыі распаўсюджваюцца на ўсіх, хто знаходзіцца на тэрыторыі краіны, незалежна ад грамадзянства.