Адміністрацыя Джо Байдэна хоча спыніць пастаўкі ў Кітай прасунутых АІ-чыпаў Nvidia і іншых кампаній, паведамляе Reuters. Пра новыя меры было абвешчана ў аўторак 17 кастрычніка. ЗША імкнуцца адрэзаць азіяцкую краіну ад перадавых тэхналогій хатняй распрацоўкі, якія тая магла б выкарыстоўваць у ваеннай сферы.
Адміністрацыя Джо Байдэна хоча спыніць пастаўкі ў Кітай прасунутых АІ-чыпаў Nvidia і іншых кампаній, паведамляе Reuters. Пра новыя меры было абвешчана ў аўторак 17 кастрычніка. ЗША імкнуцца адрэзаць азіяцкую краіну ад перадавых тэхналогій хатняй распрацоўкі, якія тая магла б выкарыстоўваць у ваеннай сферы.
Новыя правілы набудуць моц праз 30 дзён. Яны абмяжоўваюць экспарт шырэйшага кола прасунутых АІ-чыпаў і абсталявання для іх вытворчасці для большай колькасці краін, уключаючы Іран і Расію. Таксама ўнесеныя ў «чорны спіс» кітайскія распрацоўшчыкі чыпаў Moore Threads і Biren.
Новыя меры закрыюць дзіркі ў абмежаваннях, уведзеных ЗША ў кастрычніку 2022 года. Са слоў кіраўніцы Мінгандлю краіны Джыны Райманда, правілы будуць пераглядацца «прынамсі раз на год».
Міністарка дадала, што яны закліканыя абмежаваць доступ Кітая да «прасунутых паўправаднікоў, якія маглі б забяспечыць прарывы ў сферы штучнага інтэлекту і складаных камп’ютараў, якія маюць крытычна важнае значэнне для прымянення ў ваенных мэтах». Яна падкрэсліла, што адміністрацыя не ставіць на мэце нанесці эканамічную шкоду Кітаю. Акрамя таго, Кітай па-ранейшаму зможа імпартаваць іншыя амерыканскія чыпы на сотні мільярдаў долараў.
Прадстаўнік кітайскай амбасады заявіў, што Кітай выступае катэгарычна супраць такіх навін і яны парушаюць прынцыпы рынкавай эканомікі і сумленнай канкурэнцыі і падрываюць міжнародны эканамічны і гандлёвы парадак.
Рэлацыраваліся? Цяпер вы можаце каментаваць без верыфікацыі акаўнта.