ЗША папрасілі вярнуцца дадому беларусаў, якія знаходзяцца ў краіне незаконна

«Калі вы знаходзіцеся ў ЗША нелегальна — абярыце законны спосаб вярнуцца дадому», — напісана ў пасце з відэа.

Праграма CBP Home стартавала ў сакавіку, яе рэалізуе Міністэрства ўнутранай бяспекі ЗША. Яна дазваляе асобам, якія знаходзяцца на тэрыторыі ЗША без законных падстаў, зарэгістравацца ў спецыяльнай аплікацыі і атрымаць магчымасць выехаць з краіны без штрафу за парушэнне міграцыйнага заканадаўства, бясплатны пералёт і выязны бонус у памеры $1 тысячы. Таксама ў роліку адзначаецца, што калі з’ехаць па-добраму, то шанц у далейшым зноў прыехаць у ЗША будзе вышэйшы.