Адміністрацыя прэзідэнта ЗША Дональда Трампа распарадзілася прыпыніць прызначэнне новых сумоўяў на студэнцкія візы ў амерыканскіх пасольствах. Цяпер перад сумоўем заяўнікі будуць праходзіць падрабязную праверку сацыяльных сетак.
Адміністрацыя прэзідэнта ЗША Дональда Трампа распарадзілася прыпыніць прызначэнне новых сумоўяў на студэнцкія візы ў амерыканскіх пасольствах. Цяпер перад сумоўем заяўнікі будуць праходзіць падрабязную праверку сацыяльных сетак.
Пра змены гаворыцца ў мемарандуме Дзярждэпартамента, які атрымаў CBS News. Дырэктыва датычыцца віз катэгорый F, M і J, якія выдаюцца студэнтам і ўдзельнікам абменных праграм. Дзярждэп даручае консульскім аддзелам выдаліць з раскладу ўсе незапоўненыя слоты для сумоўяў да атрымання далейшых інструкцый, якія чакаюцца ў бліжэйшыя дні. Ужо прызначаныя сумоўі адбудуцца згодна з графікам.
У мемарандуме гаворыцца пра маючае адбыцца пашырэнне праверак сацыяльных сетак, якое будзе мець «істотныя наступствы» для заяўнікаў. Хаця канкрэтныя дэталі праверак не ўдакладняюцца, у дакуменце згадваюцца выканаўчыя ўказы, скіраваныя на барацьбу з тэрарызмам і антысемітызмам.
Раней праверкі сацыяльных сетак былі засяроджаны на студэнтах, якіх падазравалі ва удзеле ў пратэстах супраць Ізраіля, але афіцыйныя асобы скардзіліся на невыразнасць інструкцый. Напрыклад, незразумела, ці можа публікацыя выявы палесцінскага сцяга ў сацсетках, такіх як X, прывесці да дадатковай праверкі.
Раней адміністрацыя Трампа выступіла супраць шэрагу вядучых універсітэтаў, такіх як Гарвард, і абвінаваціла іх у падтрымцы ліберальных ідэй і дапушчэнні антысемітызму ў кампусах. Белы дом ужо адклікаў тысячы студэнцкіх віз, а таксама спрабаваў дэпартаваць студэнтаў і замарозіў сотні мільёнаў даляраў фінансавання ўніверсітэтаў, хоць многія з гэтых мер былі заблакаваныя судамі.
На мінулым тыдні федэральны суддзя прыпыніў дзеянне палітыкі, якая забараняла Гарварду прымаць замежных студэнтаў і запрашаць даследчыкаў з-за мяжы — мера, якая магла б нанесці сур’ёзны ўдар па ўніверсітэце, дзе больш за 25% студэнтаў — іншаземцы. Замежныя студэнты, якія часта плацяць больш высокія ўнёскі за навучанне, з’яўляюцца важнай крыніцай даходу для амерыканскіх універсітэтаў.
Рэлацыраваліся? Цяпер вы можаце каментаваць без верыфікацыі акаўнта.