Зрабілася вядомай структура ўгоды па продажы Прыёрбанка

Галоўнай навіной найбуйнейшага прыватнага банка Беларусі летась стаў выхад аўстрыйскага Raiffeisen Bank International са складу акцыянераў. Старшыня праўлення RBI Ёхан Штробль назваў угоды «важным крокам у імкненні знізіць рызыкі прысутнасці ва Усходняй Еўропе».

Як вынікае з апошніх дакументаў, адбылася змена бенефіцыярных уладальнікаў у асноўнага акцыянера Прыёрбанка — аўстрыйскай кампаніі Raiffeisen CIS Region Holding. Кампанія Soven 1 Holding з ААЭ набыла 100% долю Raiffeisen CIS Region Holding і перайменавала яе ў S1 CIS Region Holding. Цяпер менавіта яна валодае 87,74% акцый Прыёрбанка.

Бенефіцыярам Soven 1 Holding з’яўляецца грамадзянін ААЭ, імя якога не ўдакладняецца. Іншыя акцыянеры Прыёрбанка захавалі свае долі: у Дзяржкамітэта па маёмасці Беларусі засталося 6,31% акцый, у фізічных асоб — 4,86%, іншых юрыдычных асоб — 1,09%.

Актывы Прыёрбанка за 2024 год павялічыліся на 6,2% і склалі 8,67 млрд рублёў. Уласны капітал банка вырас на 30,2% — да 2,13 млрд рублёў. Рэнтабельнасць капіталу склала 22,8%, а рэнтабельнасць актываў — 5,6%. Прыбытак банка павялічыўся ў 1,5 раза і дасягнуў 484,1 млн рублёў.

Разам з тым Прыёрбанк, апісваючы аперацыйнае асяроддзе, звярнуў увагу на наступствы абставін, якія «цяжка прадказаць». Гэта, у тым ліку, санкцыі ЗША, Еўрасаюза і іншых развітых краін, якія хоць і не распаўсюджваюцца на Прыёрбанк, але дзейнічаюць у дачыненні да некаторых яго буйных пазычальнікаў.

У Прыёрбанка новы ўласнік — інвестар з ААЭ

Па тэме

У Прыёрбанка новы ўласнік — інвестар з ААЭ

«Прыёрбанк» увёў суперкамісію па валютных рахунках — амаль $4K у месяц

Па тэме

«Прыёрбанк» увёў суперкамісію па валютных рахунках — амаль $4K у месяц